ઉત્તર પ્રદેશમાંથી એક ચોંકાવનારો કિસ્સો સામે આવ્યો છે. જ્યાં એક 1 સરકારી ખાલી જગ્યા ભરવા માટે 2000થી પણ વધારે અરજીઓ આવી હતી.
ઉત્તર પ્રદેશમાંથી એક ચોંકાવનારો કિસ્સો સામે આવ્યો
1 પદ માટે 2 હજારથી વધારે અરજીઓ આવી
ચોંકાવનારી બાબત એ છે કે, 2129 ઉમેદવારમાંથી કોઈ પાસ થયું નહીં
નોકરીની માગ અને બેરોજગારીને લઈને દરરોજ ક્યાંકને ક્યાંક વિરોધ પ્રદર્શન જોવા મળતા હોય છે. પણ ઉત્તર પ્રદેશમાં હાલમાં એક ભરતી પ્રક્રિયા ખૂબ જ ચર્ચાનો વિષય બની છે. ઉત્તર પ્રદેશ પબ્લિક સર્વિસ કમિશન એટલે કે, UPPSC તરફથી પ્રોગ્રામર કેટેગરીમાં કમ્પ્યુટર ઓપરેટરના 1 પદ પર ભરતી માટે નોટિફિકેશન જાહેર કરવામાં આવ્યું હતું. આ ભરતી માટે કુલ 2129 અરજીઓ આવી હતી. હેરાન કરનારી વાત એવી છે કે, એક પદ માટે કોઈ યોગ્ય ઉમેદવાર મળ્યો નહોતો. તમામ ઉમેદવારો લેખિત અને ઈન્ટરવ્યૂમાં ફેલ થયા હતા.
કોમ્પ્યુટર ઓપરેટરના 1 પદ પર યોગ્ય ઉમેદવાર ન મળતા અનેકો સવાલ ઊભા થયા છે. શું પરીક્ષા આપનારા ઉમેદવારોમાં સ્કીલ ઓછી છે ? અથવા તો, યુપીપીએસસીની ભરતી ખોટી રીતે થઈ રહી છે ?
ઉત્તર પ્રદેશ પબ્લિક સર્વિસ કમિશન તરફથી બહાર પાડવામા આવેલી વેેકેન્સીમાં કુલ 2129 ઉમેદવારોએ અરજી કરી હતી. આ પદ પર લેખિત પરીક્ષા 25 મે 2022ના રોજ આયોજીત કરવામાં આવી હતી. તેમાંથી 725 કેંડિડેટ સામેલ થયા હતા. લેખિત પરીક્ષાનું રિઝલ્ટ આયોગે એક ઓગસ્ટના રોજ જાહેર કર્યું હતું.
ઈન્ટરવ્યૂમાં ફેલ થયા
લેખિત પરીક્ષાના આધાર પર એક વેકેન્સીની સરખામણીમાં કુલ ત્રણ કેંડિડેટ ઈન્ટરવ્યૂ માટે બોલાવ્યા હાત. 30 ઓગસ્ટના રોજ આ ઉમેદવારોના ઈન્ટરવ્યૂ થયા હાત. જેમાંથી બે ઉમેદવાર સામેલ થયા હતા. જો કે, આ બંને પાસે ફરજિયાત કમ્પ્યુટર એપ્લીકેશનમાં ગ્રેજ્યુએશનની ડિગ્રી નહોતી.તેથી આ બંને ઉમેદવારના ફોર્મ રદ થયા હતા. આવી રીતે એક પદ માટે કોઈ યોગ્ય ઉમેદવાર મળ્યો નહોતો.