આગામી દિવસોમાં વીજ ઉત્પાદન એ સૌથી મોટી સમસ્યાના રૂપમાં ઉભરી આવનારા છે. ત્યારે હવે વીજ ઉત્પાદન માટે સોલાર જ મુખ્ય આધાર બની રહેવાનો છે તેવા સમયે ભાવનગરની શૈક્ષણિક સંસ્થા ઘરશાળાના વિદ્યાર્થીઓએ સોલારના માધ્યમથી સીપીયુ અને કોમ્પ્યુટર સારી રીતે ચાલી શકે છે તે પ્રકારનું મોડલ તાજેતરમાં યોજાયેલા કમ્યુટર કાર્નિવલમાં રજૂ કર્યું હતું. જેને લોકો આવકાર્યું અને હવે સામાન્ય લોકો પણ પોતાના સીપીયુમાં નાના એવા ફેરફાર કરીને સોલાર પેનલના માધ્યમથી કોમ્પ્યુટર ચલાવી શકશે.
ઘરશાળા શૈક્ષણિક સંસ્થાનું સમગ્ર સંકુલના વિદ્યાર્થીઓની સફળતા
હવે ઘરે કે ઓફિસમાં લાઈટ ના હોઈ તો પણ કોમ્પ્યુટર ચલાવી શકાશે
વિદ્યાર્થીઓએ સોલારના માધ્યમથી કોમ્પ્યુટર ચાલી શકે છે તે પ્રકારનો પ્રયોગ રજૂ કર્યો
વર્તમાન સમયમાં ઇલકેટ્રીક સિટીને બચાવવામાટે સરકાર સતત પ્રયત્નશીલ છે. ત્યારે હવે ચેવડાના લોકો પણ વીજ ઉત્પાદનની સમસ્યાને પહોંચી વળવા માટે ઘરે ઘરે સોલાર ફિટ કરાવવા લાગ્યા છે. ઘર આંગણે વીજ ઉત્પાદન કરી રહ્યું છે. ભાવનગરની ઘરશાળા સંસ્થા દ્વારા તાજેતરમાં કોમ્પ્યુટર કાર્નિવલનું આયોજન કરવામાં આવ્યું હતું. જેમાં વિદ્યાર્થીઓએ સોલારના માધ્યમથી કોમ્પ્યુટર સારી રીતે ચાલી શકે છે તે પ્રકારનો પ્રયોગ રજૂ કર્યો હતો.
ઘરશાળા શૈક્ષણિક સંસ્થાનું સમગ્ર સંકુલના વિદ્યાર્થીઓની સફળતા
આમતો ઘરશાળા નામની આ શૈક્ષણિક સંસ્થાનું સમગ્ર સંકુલ સોલારના માધ્યમથી ચાલે છે. આ સોલારના ડાયરેક્ટ ઉપયોગ સીપીયુ અને કોમ્પ્યુટરમાં કેમ કરી શકાય તે માટે અહીંના વિદ્યાર્થીઓએ શિક્ષકોના માધ્યમથી એક પ્રયોગ કર્યો હતો જેમાં સફળતા મળી છે. અહીંની ઈંગ્લીશ મીડિયમના વિદ્યાર્થીઓએ સોલરની લાઈન લઇને તેમાથી કોમ્પ્યુટરને જરૂરી વોલ્ટ મેળવીને ડાયરેક્ટ કોમ્પ્યુટર શરૂ કર્યું છે. અહીંના શિક્ષકોનું કહેવું છે કે આ પ્રયોગ કોઈ પણ લોકો ઘરે અજમાવી શકે છે અને તેનાથી વીજ બચત પણ થાય છે.
હવે ઘરે કે ઓફિસમાં લાઈટ ના હોઈ તો પણ કોમ્પ્યુટર ચલાવી શકાશે
ભાવનગરની આ શૈક્ષણિક સંસ્થા દ્વારા તાજેતરમાં 2 દિવસ માટે કોમ્પ્યુટર કાર્નિવલનું આયોજન કરવામાં આવ્યું હતું. આ પ્રોજેક્ટ જવા અન્ય શાળાના વિદ્યાર્થીઓ પણ આવ્યા હતા. તેમણે આ પ્રયોગ નિહાળીને ખુશી વ્યક્ત કરી હતી. લોકો હવે પોતાના ઘરે કે ઓફિસમાં લાઈટ ના હોઈ તો પણ સોલારની મદદથી કોમ્પ્યુટર ચલાવી શકશે. આ કોમ્પ્યુટર ફેરમાં અહીંના વિદ્યાર્થીઓએ ફિંગર પ્રિન્ટ તેમજ દોર લોકો, રોબર્ટ સહિતના પ્રયોગો પણ રજૂ કર્યા હતા. વિદ્યાર્થીઓનું કહેવું છે કે સીપીયુમાં સામાન્ય ફેરફાર કરીને આ પ્રકારે સોલારનો ઉપયોગ કરી શકાય છે.
હાલના સમયમાં આમતો લોકો ઘરે ઘરે વીજ બચાવવા માટે સોલર લગાવી રહ્યા છે. વધારાની વીજળી વીજતંત્રને આપી રહ્યાં છે. ત્યારે હવે સોલારનો ઉપયોગ કોમ્પ્યુટરના વપરાશ માટે પણ શરૂ કરવામાં આવ્યો છે જે આવકારદાયક કહી શકાય.