રાજકોટમાં ગર્ભપાતની દવાઓનું વેચાણ કરાતું હોય તેવી વીડિયો સામે આવતા ખળભળાટ
ગર્ભપાતની દવા અપાતી હોવાનો ખુલાસો
કમ્પાઉન્ડર સંજય આપી રહ્યો છે ગર્ભપાતની દવા
ગર્ભપાતની દવાનું વેચાણ કરતો વીડિયો સામે આવ્યો
રાજકોટમાં ગર્ભપાતની દવાઓનું વેચાણ કરાતું હોય તેવી વીડિયો સામે આવતા ખળભળાટ મચી ગયો છે. કમ્પાઉન્ડર તરીકે કામ કરતા સંજય નામનો શખ્સ પોતે જ દવાઓ અને ઈન્જેક્શન આપી રહ્યો છે. વીડિયોમાં જોઈ શકાય છે કે કમ્પાઉન્ડર અન્ય દર્દી સાથે સંવાદ કરી રહ્યો છે જેમાં તે કહે છે કે મને અનુભવ છે, સાહેબ સાથે કામ કર્યું છે એટલે ઈન્જેક્શન સાહેબ કહે તો જ આપવાનું હોય, આમ કમ્પાઉન્ડર ગર્ભપાતની દવા આપતા હોવાનું ઘટસ્ફોટ થતા ચકચાર મચી ગયો છે.
ગર્ભપાતની દવા અપાતી હોવાનો ખુલાસો
મહત્વનું છે રાજ્યમાં દીકરીઓના ઘટના જતા પ્રમાણને જોવા રાજ્ય સરકાર દ્વારા ગર્ભ પરીક્ષણ અને ગર્ભપાત કરવા પર રોક લાગવી છે એટલું જ નહીં જો કોઈ આવું કરતા પકડાય તો જેને સખ્ત સજાની પણ જોગવાઈ છે, ત્યારે રંગીલા રાજકોટમાં આવી ઘટના સામે આવતા આરોગ્ય વિભાગની કામગીરી સામે અનેક સવાલો ઉભા થઈ રહ્યા છે.
કમ્પાઉન્ડર સંજય આપી રહ્યો છે ગર્ભપાતની દવા
આ વીડિયોમાં કમ્પાઉન્ડર સંજય કહી રહ્યો છે કે સાહેબ એ કહ્યું છે કે આ ઈન્જેક્શન અને દવા આપવાની, રિપોર્ટને બધુ સાહેબ જોતા હોય છે. તો આવા સંવાદો સામે આવતા ડોક્ટરની કામગીરી ઉપર પણ શંકા ઉપજી રહી છે. ડોક્ટર રુટિન હોય તેમને દવા આપવાની પરવાનગી આપે છે. આ વીડિયો કોઈ જાગૃત મહિલાએ બનાવ્યો હોવાનું મનાઈ રહ્યું છે જે બાદ આ વીડિયોને વાયરલ કર્યો હતો. ક્લિનિકમાં કામ કરતો સંજય કમ્પાઉન્ડર ગર્ભપાતની દવાઓ આપતો નજરે પડી રહ્યો છે.
ગર્ભપાતની દવાનું વેચાણ કરતો વીડિયો સામે આવ્યો
આ ડોક્ટરનું ક્લિનિક માંડા ડુંગર આજીદ ચોકડી પાસે આવ્યું હોવાનું મનાઈ રહ્યું છે. તેમજ ક્લિનિકની બહાર ડૉ.કૌશિક વાળા નામનું બોર્ડ પણ લગાવેલું છે, આ ક્લિનિકમાં તબીબના નામે કમ્પાઉન્ડર બોગસ સારવાર કરી રહ્યો હોય તેવું જણાઈ રહ્યું છે જેનો વીડિયો વાયરલ થતા આરોગ્ય વિભાગ હરકતમાં આવ્યું છે.