કામની વાત / 30 નવેમ્બર પહેલાં કરી લો આ કામ, નહીં તો ફસાઈ જશે તમારા રૂપિયા

• 30 નવેમ્બર 2019 પહેલાં કરી લો આ કામ
• બચી જશે તમારા રૂપિયા
• ડેડ લાઈન પહેલાં પતાવી લો 4 કામ

પેન્શન માટે જમા કરાવો આ સર્ટિફિકેટ

તમે પેન્શન ધારક છો અને તમારું એકાઉન્ટ SBIમાં છે તો તમે 30 નવેમ્બર 2019 સુધીમાં તમારું લાઈફ સર્ટિફિકેટ બેંકમાં જમા કરાવો તે જરૂરી છે. બેંકે એક નોટિસ જાહેર કરીને જણાવ્યું છે કે દરેક પેન્શન ધારકે પોતાનું લાઈફ સર્ટિફિકેટ જમા કરાવવાનું રહેશે. જો તમે આ કામ નહીં કરો તો તમારું પેન્શન અટકી શકે છે.

વીમા માટે લાગૂ થશે આ નિયમ

વીમા વિનિયામક, IRDAનો નવો નિયમ પણ 1 ડિસેમ્બરથી લાગૂ થશે. જેમાં વીમાધારકોને અપીલ કરવામાં આવી છે કે તેઓ 30 નવેમ્બર 2019 પહેલાં દરેક વીમા ઉત્પાદને માટે નવા નિયમો અનુસાર બદલાવ લાવે. નવા નિયમના આધારે કંપનીઓને પોલીસીનું પ્રિમિયમ એક નક્કી સીમા સુધી વધારવા અને ઘટાડવાની છૂટ આપવામાં આવશે. જો તમારી પાસે LICની પોલીસી છે તો તમારે ચેતી જવાની જરૂર છે. 30 નવેમ્બરથી આ કંપની 2 ડઝન એટલે કે 24 જેટલી પોલીસી બંધ કરી રહી છે. જો તમારી પાસે DLICની પોલીસી છે તો ચેક કરી લો કે તે બંધ તો નથી થઈ રહીને..IRDAની ગાઈડલાઈનને ધ્યાનમાં રાખીને LICએ પોતાની આ પોલીસી બંધ કરવાનો નિર્ણય કર્યો છે. IRDAએ કહ્યું છે કે તેના કારણે પોલીસી બેનિફિટમાં કોઈ ચેન્જ આવશે નહીં. 

આ યોજનાને આધાર કાર્ડ સાથે લિંક કરવાનું છે જરૂરી

30 નવેમ્બર સુધી પ્રધાનમંત્રી કિસાન સમ્માન નિધિ યોજનાને આધાર કાર્ડ સાથે લિંક કરવાનું જરૂરી છે. આ યોજનાની રકમ મેળવવા માટે આ પ્રકિયા પૂર્ણ કરી હોય તે જરૂરી છે. જો તમે આ કામ કરવામાં મોડું કરો છો તો તમારા ખાતામાં આવનારી કુલ રકમમાંથી 6000 રૂપિયા ઓછા આવશે. 

ઈન્કમ ટેક્સ રિટર્ન ભરવાની અંતિમ તારીખ

કેન્દ્ર શાસિત પ્રદેશો જમ્મૂ કાશ્મીર અને લદ્દાખમાં ઈન્કમ ટેક્સ રિટર્ન ભરવાની અંતિમ તારીખ 30 નવેમ્બર છે. છેલ્લા કેટલાક સમયથી અહીં ઈન્ટરનેટ સેવાઓ બાધિત હોવાના કારણે તેમને માટે આ તારીખ લંબાવીને 30 નવેમ્બર 2019 રાખવામાં આવી છે.