બદનક્ષી / રાહુલ ગાંધીના આ વિવાદાસ્પદ નિવેદન પર સુરત કોર્ટમાં ફરિયાદ

કોંગ્રેસના રાષ્ટ્રીય અધ્યક્ષ રાહુલ ગાંધીએ તાજેતરમાં ચૂંટણી પ્રચાર દરમિયાન 'બધા મોદી ચોર છે'એ બાબતે નિવેદન આપ્યું હતું. જેના કારણે આજે સુરત શહેર ભાજપના પશ્ચિમ બેઠકના ધારાસભ્ય પૂર્ણેશ મોદીએ રાહુલ ગાંધીની વિરુદ્ધ બદનક્ષીની ફરિયાદ સુરત કોર્ટમાં નોંધાવી છે.

શું હતું રાહુલ ગાંધીનું નિવેદન?

તારીખ 13 એપ્રિલે બેંગ્લોરથી 100 કિમિ દૂર યોજાયેલી જાહેરસભામાં નરેન્દ્ર મોદીને ચોરનું ઉપનામ આપીને આર્થિક ગુનેગારો નિરવ મોદી, લલિત મોદી, મેહુલ ચોક્સી, વિજય માલ્યા સાથે સરખામણી કરીને ઉપસ્થિત જનમેદનીને જાહેરમાં પૂછ્યું હતું કે બધા જ ચોરોના ઉપનામ મોદી કેમ હોય છે?
આ નિવેદનથી મોદી સમાજની બદનામી થઈ હોવાનો આક્ષેપ સુરતના મોદી સમાજે કર્યો છે. જેમાં સુરત ચીફ જ્યુડિશિયલ મેજિસ્ટ્રેટ કોર્ટે ફરિયાદી પૂર્ણેશ મોદીની અરજી સ્વીકારી છે. આગામી તારીખ 22 એપ્રિલના રોજ તેની સુનાવણી હાથ ધરવામાં આવશે.