વિવાદ / જેઠાલાલની બબિતા વિરુદ્ધ નોંધાઇ ફરિયાદ, આપત્તિજનક શબ્દ બોલવા બદલ ધરપકડની માગ

• મુનમુન વિરુદ્ધ નોંધાઇ ફરિયાદ 
• જાતિસૂચક શબ્દ બોલી હતી 
• લોકોએ ઉઠાવી ધરપકડનીમાગ 

'भंगी की तरह नही दिखना चाहती हु अच्छी दिखना चाहती हूं': @moonstar4u मुनमुन दत्ता (तारक मेहता का उल्टा का चश्मा की ऐक्ट्रेस बबिता उर्फ मुनमुन दत्ता) अब इस जातिवाद लडक़ी को कानून का पाठ पढ़ाना होगा।

बहुजन समाज का अपमानबर्दाश्त नही, आखिर इनके मन मे आज भी जातिवाद कितना भरा हुआ है। pic.twitter.com/VYGEJnoxeN

— Sunil Astay (@SunilAstay) May 10, 2021

અભિનેત્રીએ જાતિસુચક શબ્દનો પ્રયોગ કર્યો હતો જેનો વીડિયો સોશ્યલ મિડીયા પર આગની જેમ પ્રસરી ગયો હતો અને બાદમાં લોકોનો ગુસ્સો પણ ભભૂકી ઉઠ્યો હતો. મુનમુન વિરુદ્ધ હરિયાણામાં ફરિયાદ દાખલ કરવામાં આવી છે. 

આ ફરિયાદ વકીલ તેમજ દલિત અધિકાર કાર્યકર્તા રજત કલસન તરફથી હાંસી પોલીસ અધિક્ષક સમક્ષ દાખલ કરવામાં આવી છે. ફરિયાદમાં કહેવામાં આવ્યુ છે કે મુનમુન દત્તાએ ઇન્સ્ટાગ્રામ પર એક વીડિયો શૅર કર્યો અને તેમાં જાતિસૂચક શબ્દનો પ્રયોગ કર્યો હતો. અનુસુચિત જાતિના લોકોનું અપમાન કરવાના ઇરાદાથી મુનમુને આ પ્રકારનો શબ્દ પ્રયોગ કર્યો છે તેવું રજતે કહ્યું છે. 

ફરિયાદમાં આગળ કહેવામાં આવ્યું છે કે, ઇન્સ્ટાગ્રામ પ્રોફાઇલ પર આ વીડિયો પોસ્ટ કરવામાં આવ્યો છે. લાખો ફેન્સે તેનો આ વીડિયો જોયો અને આખા સમાજની ભાવનાને ઠેસ પહોંચાડી છે. માટે મુનમુન વિરુદ્ધ કાર્યવાહી થાય અને તેની ધરપકડ થાય. 

મુનમુનનો વીડિયો થયો વાયરલ 

ઉલ્લેખનીય છે કે, સોશિયલ મીડિયા પર વાયરલ થયેલા વીડિયોમાં મુનમુને જાતિ વિશે ટિપ્પણી કરી હતી. ત્યારબાદ સોશિયલ મીડિયા પર તેમનો વીડિયો વાયરલ થયો હતો અને કેટલાક યુઝર્સે અભિનેત્રી વિરૂદ્ધ રોષ ઠાલવતા તેમની ધરપકડની માગણી કરી હતી. 

શબ્દના અર્થ વિશે ખોટી માહિતી હતી

મામલો સામે આવ્યો કે તરત જ મુનમુને સોશ્યલ મીડિયા પર માફી માંગી. મુનમુને એક નોંધમાં લખ્યું, 'આ ગઈકાલે મેં પોસ્ટ કરેલા એક વીડિયોના સંદર્ભમાં છે. જ્યાં મેં વપરાયેલા કોઈ શબ્દનો ખોટો અર્થ કાઢવામાં આવ્યો છે. તે ક્યારેય કોઈની લાગણીને ઠેસ પહોંચાડવા, ધમકાવવા અથવા ઈજા પહોંચાડવાનો નહતો. મર્યાદિત ભાષાના જાણકારીને કારણે, હું તે શબ્દના અર્થ વિશે ખોટી માહિતી આપી હતી. '

હું દરેકની માફી માંગવા માંગુ છું

મુનમુને તેની પોસ્ટમાં વધુમાં લખ્યું છે કે, 'એકવાર મને તેનો અર્થ સમજાયો, મેં તરત જ તે ભાગ હટાવી નાખ્યો. મારે દરેક જાતિ, પંથ અથવા લિંગના દરેક વ્યક્તિ માટે ખૂબ આદર છે અને હું આપણા સમાજ અથવા રાષ્ટ્રમાં તેમના પુષ્કળ યોગદાનને સ્વીકારું છું. હું ઈમાનદારથી દરેક વ્યક્તિની માફી માગવા ઈચ્છું છું જે શબ્દના લીધે જેમની લાગણીને ઠેસ પહોંચી હોય.