પાટણ / યોગેશ બોક્ષા સામે ફરિયાદ દાખલ કરાવવા પહોંચેલા લોકોએ પોલીસ સ્ટેશનમાં PSO સાથે કર્યું ઉદ્ધત વર્તન, વીડિયો વાયરલ

• પાટણના ચાણસ્મા પોલીસ સ્ટેશનનો વીડિયો વાયરલ
• ચાણસ્મા પોલીસે 7 શખ્સો સામે નોંધી ફરિયાદ 
• PSO સાથે ઉદ્વત વર્તન કરાયાનો આક્ષેપ

પાટણ જિલ્લાના ચાણસ્મા પોલીસ સ્ટેશનમાં યોગેશ બોક્ષા સામે ફરિયાદ કરવા ગયેલા અરજદારો અને PSO વચ્ચે ઉગ્ર બોલાચાલી થઇ હતી. આ અંગેનો વિડીયો પણ સોશિયલ મીડિયામાં વાયરલ થયો હતો. જે વાયરલ વિડીયો પ્રકરણને લઈને 7 શખ્સો સામે ફરિયાદ દાખલ કરવામાં આવી છે. વીડિયો બનાવીને વાયરલ કરનારા 7 શખ્સો વિરુદ્ધ ચાણસ્મા પોલીસે ફરિયાદ દાખલ કરી કાર્યવાહી હાથ ધરી છે. 

7 શખ્સો સામે વીડિયો ઉતારી વાયરલ કરાયાનો આક્ષેપ 
ભુજ ખાતે કાર્યક્રમ દરમિયાન ભાજપ નેતા અને કલાકાર યોગેશ બોક્ષાએ અનુસૂચિત જાતિ માટે અપમાન જનક શબ્દોનો પ્રયોગ કર્યો હતો. જેને પગલે વિરોધનો સૂર ઉઠ્યો હતો. આ પ્રકરણના પાટણમાં પણ પડઘા પડ્યા છે. અપમાન જનક શબ્દ પ્રયોગને લઈને યોગેશ બોક્ષા વિરુદ્ધ ફરિયાદ કરવા માટે લોકો પાટણના ચાણસ્મા પોલીસ સ્ટેશન ખાતે દોડી ગયા હતા. આ સમયે કોઇ કારણસર માથાકૂટ સર્જાઇ હતી. જેમાં અરજકર્તાએ પોલીસ સ્ટેશનના PSO સાથે ઉદ્વત વર્તન કર્યું હતું. પોલીસ અને અરજદારો વચ્ચે ચાલતી બોલાચાલી વેળાનો વિડીયો અમુક લોકોએ ઉતારી લીધો હતો. અને ત્યારબાદ સમગ્ર ઘટનાનો વીડિયો સોશિયલ મીડિયામાં વાયરલ થયો છે. જેને લઈને ચાણસ્મા પોલીસે વીડિયો બનાવીને વાયરલ કરનારા 7  આરોપીઓ વિરુદ્ધ ફરિયાદ દાખલ કરી છે. 

શુ હતો સમગ્ર મામલો? 
ભુજમાં કાર્યક્રમ દરમિયાન યોગેશ બોક્ષા કાર્યક્રમમાં ખલેલ પહોંચતા ઉશ્કેરાઈ ગયા હતા. અને બોલ્યા હતા કે ભાજપ પાર્ટી અને કેસરિયાના કારણે અમે કલાકારો અહિયાં આવ્યા છે. આટલું  બોલ્યા બાદ તે અનુસૂચિત જાતિ માટે અપમાનજનક શબ્દપ્રયોગ કર્યો હતો. અને બાદમાં લોકોને શાંતિથી બેસવા અને કાર્યક્રમને સુચારું રૂપે ચાલુ રાખવા અપીલ કરી હતી. કાર્યક્રમમાં યોગેશ બોક્ષાની જીભ લપસી જતા દલિત સમુદાયના લોકોમાં ભારે રોષ ભભુકયો હતો.