ભાજપના કાર્યકર વિશાલ પાટીલે સગીરાના સાથે દુષ્કર્મ ગુજાર્યું હોવાની ફરિયાદ ઉધના પોલીસ સ્ટેશનમાં નોંધવામાં આવતા ખળભળાટ
સુરતમાં ભાજપ કાર્યક્રમ સામે દુષ્કર્મની ફરિયાદ
વિશાલ પાટીલ સામે વધુ એક ફરિયાદ નોંધાઈ
સગીરા સાથે અશ્લીલ ફોટો પાડી કરી બ્લેકમેલ
સુરતમાં ચકચાર મચાવનાર ઘટના સામે આવી છે. સુરતના ઉધના વિસ્તારમાં ભાજપ કાર્યકરા સામે દુષ્કર્મની ફરિયાદ નોંધાતા અનેક અટકળો વહેતી થઈ છે. ભાજપના કાર્યકર વિશાલ પાટીલે સગીરાના સાથે દુષ્કર્મ ગુજાર્યું હોવાની ફરિયાદ ઉધના પોલીસ સ્ટેશનમાં નોંધવામાં આવતા ખળભળાટ મચી ગયો છે.
ઉધનાની સગીરા સાથે અશ્લીલ ફોટો પાડી બ્લેકમેલ કરી
વિશાલ પાટીલે સગારીને લાલચ આપી તેની સાથે શારિરીક સંબંધ રાખ્યા અને બાદમાં તેના અશ્લિલ ફોટો પાડી તેને બ્લેકમેલ કરવા લાગ્યો એટલું જ નહીં ફોટો વાયરલ કરવાની ધમકી આપી અવાર નવાર દુષ્કર્મ આચર્યાની ફરિયાદ નોંધવામાં આવતા સ્થાનિકોમાં આ ભાજપના કાર્યકર સામે રોષ જોવા મળી રહ્યો છે.
ફોટો વાયરલ કરવાની ધમકી આપી દુષ્કર્મ આચર્યાની ફરિયાદ
સગીરાને બ્લેકમેલ કરી અનેકવાર દુષ્કર્મ આચર્યાની ફરિયાદ નોંધાવાઈ છે એટલું જ નહીં વિશાલ પાટીલે સગીરાના પરિવાર પાસેથી 20 હજાર રૂપિયા પડાવ્યા હોવાનું પણ સામે આવ્યું છે. પરિવારે નાણાં આપ્યા બાદ પણ પરિવારની પજવણી કરવામાં આવતી હોવાનું ફરિયાદમાં ઉલ્લેખ કરવામાં આવ્યો છે.
સગીરાના પરિવાર પાસેથી રૂ.20 હજાર પડાવ્યાની પણ ફરિયાદ
હાલ પોલીસે વિશાલ પાટીલ સામે પોસ્કો, એટ્રોસિટી એક્ટ મુજબ ગુનો નોંધી વધુ તપાસ હાથ ધરી છે. ઉલ્લેખનિય છે કે અગાઉ પણ વિશાલ પાટીલ સામે છેડતીની ફરિયાદ નોંધવામાં આવી ચુકી છે ત્યારે સવાલ ઉઠી રહ્યા છે કે આવા બેફામ બનેલા ભાજપના કાર્યકર સામે હજુ સુધી કેમ કોઈ કાર્યવાહી નથી કરાઈ, કેમ હજુ સુધી કોઈ પગલાં લેવાયા નથી. સ્વયંમ સ્થિસ્તમાં માનનાર ભાજપનો કાર્યકર આવી હદે સગીરાની જિંદગી સાથે રમત રમે ક્યાં સુધી ચવાવી લેવામાં આવશે તેની સામે પણ સવાલો ઉઠી રહ્યા છે.