છેતરપિંડી / સુરત શહેર ભાજપ અગ્રણીનાં પુત્ર-જમાઈ સામે ફરિયાદ, જાણો શું છે મામલો

• એક જ દુકાન 3 લોકોને વેચી બારોબાર પૈસા ઉઘરાવ્યાં હતાં
• દુકાન પેટે રોકડા 12 લાખ ઉઘરાવી વિશ્વાસઘાત કર્યો
• 12 લાખ ઉઘરાવી દસ્તાવેજ ન આપતા મામલો ખુલ્યો

3 લોકો સાથે કરવામાં આવી છેતરપિંડી

સુરત શહેર ભાજપ અગ્રણી જીતુ બારોટનાં પુત્ર ચારૂલ બારોટ અને જમાઈ વિપુલ પટેલ સામે ફરિયાદ નોંધાઈ છે. આ બન્ને સામે છેતરપિંડી કર્યાની ફરિયાદ નોંધવામાં આવી છે. બન્નેએ ભેગા મળીને 3 લોકો સાથે છેતરપિંડી આચરી હતી.

કેવી રીતે છેતરપિંડી કરવામાં આવી

ચારુલ અને વિપુલે ભેગા મળી બેંકમાં મોર્ગેજ રહેલી પ્રોપર્ટીને વેચીને છેતરપિંડી કરી હતી. જેમાં તેઓએ એક જ દુકાન 3 લોકોને વેચી બારોબાર પૈસા ઉઘરાવ્યાં હતાં. તેઓએ એક દુકાન પેટે 12 લાખ રોકડા ઉઘરાવ્યાં હતાં. તેમજ તેઓએ પૈસા ઉઘરાવ્યાં બાદ દસ્તાવેજો ન આપવાનાં મામલે તેમની સામે ફરિયાદ નોંધવામાં આવી છે. પોલીસે ગુનો નોંધી તપાસ હાથ ધરી છે.