વિવાદ / વડોદરામાં ભરતીઓમાં શરતભંગની ફરિયાદ, સ્થાનિક ઉમેદવારોને બાકાત રખાતા મામલો PM મોદી સુધી પહોંચ્યો

• SBIની બિનસ્થાનિક ઉમેદવારોની ભરતી અંગે રજૂઆત 
• ભરતીની શરતભંગ અંગે PM મોદીને રજુઆત કરાઈ 
• ગુજરાતમાં 660 ઉમેદવારોની કરાઈ છે ભરતી 
• ફક્ત 20 ટકા સ્થાનિક ઉમેદવારોને મળી જગ્યા  

જુનિયર ક્લાર્કની ભરતીમાં સ્થાનિક ઉમેદવારોને બાકાત રાખ્યાનો આક્ષેપ

SBI અમદાવાદ સર્કલમાં જુનિયર એસોસિયેટ્સની ભરતીમાં ગેરરીતિઓ અને સ્થાનિક ભાષામાં નિપુણ ન હોય તેવા ઉમેદવારની પસંદ કરવામાં આવી હોવાના આક્ષેપ સાથે વડોદરાના નાગરીકોએ કલેક્ટરને આવદેનપત્ર આપ્યું છે. આવેદનકારોની માંગણી છે કે, જો ક્લાર્કને સ્થાનિક ભાષા ન આવડતી હોય તો ગ્રાહકોને રોજબરોજના બેંકિંગના કામોમાં મુશ્કેલી અનુભવાય છે.

તાજેતરમાં ગુજરાતમાં 660 ઉમેદવારોની ભરતી કરાઇ છે 

આવેદન આપવા આવેલા SBIના કર્મચારી એસોશિયેશનના સભ્યએ જણાવ્યું હતું કે, થોડા સમય પહેલા સ્ટેટ બેન્ક ઓફ ઇન્ડિયાએ તેની દેશવ્યાપી ભરતી પસંદગી પ્રક્રિયાના ભાગરૂપે આપેલ જાહેરાતમાં જણાવ્યું હતું કે, SBIમાં જુદા-જુદા રાજ્યોમાં ખાલી જગ્યાઓ માટે જુનિયર ઓસોસિયેટ તરીકે નિમણૂક માટે લાયક ભારતીય નાગરિકો પાસેથી અરજીઓ મંગાવવામાં આવી હતી. આ માટે ઉમેદવાર માત્ર એક જ રાજ્યની ખાલી જગ્યાઓ માટે અરજી કરી શકશે અને તે જે રાજ્યની ખાલી જગ્યાઓ માટે અરજી કરશે તે રાજ્યની સ્થાનિક ભાષામાં વાચન, લેખન અને બોલવામાં નિપુણ હોવા જોઇએ. તે માટેની સ્થાનિક ભાષા નિપુણતા ચકાસવા માટે ઓનલાઇન મુખ્ય પરીક્ષામાં પાસ થયા પછી અને બેંકમાં જોડાતા પહેલા તેની કસોટી લેવામાં આવશે.

કથિત અન્યાયનો ભોગ બનેલા ઉમેદવારોએ કલેકટરને આવેદન પત્ર આપ્યું

જેને લઈને વડોદરાના નાગરિકો તથા SBIના પૂર્વ કર્મચારીઓ દ્વારા વાંધો ઉઠાવી વડાપ્રધાનને રજૂઆત કરવા વડોદરા કલેક્ટરને આવેદનપત્ર પાઠવી ન્યાયની માંગણી અંગે રજૂઆત કરવામાં આવી હતી. સાથે જ તેઓએ વડોદરાના સાંસદ રંજનબેન ભટ્ટને મળીને સમગ્ર મામલે રજૂઆત કરી હતી