કોરોના વાયરસ મહામારીને કારણે રમત જગત થંભી ગયું હતું. ત્યારે હવે 2 મહિના બાદ આ ઓસ્ટ્રેલિયામાં સ્પર્ધાત્મક ક્રિકેટની વાપસી આ અઠવાડિયાના અંતમાં ડાર્વિનમાં એક ટી20 ટૂર્નામેન્ટ દ્વારા થશે. સીડીયુ ટોપ એન્ડ ટી 20 રાઉન્ડ રોબિન ટી 20 ટૂર્નામેન્ટમાં 15 ટીમો ભાગ લેશે, જે 6થી 8 જૂન દરમિયાન રમાશે.
કોરોનાને કારણે ક્રિકેટ જગત થંભી ગયું હતું
ત્યારે હવે ઓસ્ટ્રેલિયામાં ક્રિકેટની વાપસી
6થી 8 જૂના દરમિયાન ટૂર્નામેન્ટનું કરવામાં આવશે આયોજન
આ ટૂર્નામેન્ટમાં 500 દર્શકોને મેદાનમાં પ્રવેશવાની મંજૂરી આપવામાં આવશે, કારણ કે ડાર્વિનમાં 21 મે બાદથી કોરોના સંક્રમણનો કોઈ કેસ નોંધાયો નથી. આ ટૂર્નામેન્ટમાં ડાર્વિન પ્રીમિયર ગ્રેડની સાત ક્લબ અને ઇલેવનની રજૂઆત કરવામાં આવશે, જેમાં એશિયા કપ સ્પર્ધામાં ઉત્તરી ટેરિટરીના શ્રેષ્ઠ ખેલાડીઓ ભાગ લેશે.
કોરોના મહામારી પહેલાં ઓસ્ટ્રેલિયા અને ન્યુઝીલેન્ડે તેની છેલ્લી આંતરરાષ્ટ્રીય મેચ 13 માર્ચે રમી હતી. જે બાદથી રમત જગત થંભી ગયું હતું. ઉત્તરી ટેરિટરી ક્રિકેટના ચીફ એક્ઝિક્યુટિવ જોએલ મોરિસને કહ્યું, કોરોનાને કારણે રમત જગત પર બ્રેક લાગ્યા બાદ હવે ક્રિકેટની વાપસીની ઉજવણી કરવાની આ સુવર્ણ તક છે.
તેમણે આગળ કહ્યું-છેલ્લા કેટલાક મહિનાઓ સમગ્ર દુનિયા ખૂબ જ ખરાબ સમયમાંથી પસાર થઈ છે. ત્યારે હવે આશા છે કે, ક્રિકેટ ચાહકોને આ ટૂર્નામેન્ટમાં ફરી મેચની મજા માણવાનો મોકો મળશે. ટૂર્નામેન્ટની પસંદ કરેલી મેચનું લાઇવ સ્ટ્રીમિંગ માય ક્રિકેટ ફેસબુક પેજ પર પણ કરવામાં આવશે.