હવે પછીના દિવસોમાં કર્મચારીઓને પગારના બદલામાં કોઈ વસ્તુ આપવામાં આવે તે દિવસો હવે દૂર નથી. બ્રિટનમાં એક કંપની તેના કર્મચારીઓને પગારને બદલે સોનુ આપી રહી છે.
ઈંગ્લેન્ડની એક કંપનીની નવી ઓફર
કર્મચારીઓને સેલેરી તરીકે આપી રહી છે સોનું
શરુઆતમા 20 સિનિયર કર્મચારીઓને અપાઈ રહ્યું છે સોનું
જોકે જે કર્મચારીઓને રોકડા જોઈતા હોય તેમને રોકડા આપે છે કંપની
પગારના બદલામાં રોકડા વસ્તુઓ આપવામાં આવે તે દિવસો હવે દૂર નથી. દુનિયાભરના તમામ નોકરીયાત લોકો પણ પોતાનું કામ પૂરું કરવા માટે મહેનત કરી રહ્યા છે. ઘણી વખત તેમની ઓફિસમાંથી ઘણા ચોંકાવનારા કિસ્સા સામે આવે છે. એક સમય એવો પણ આવે છે જ્યારે કોઇ બોસ કે તેમની કંપની પોતાના સારા કામને કારણે ચર્ચામાં આવી જાય છે. આવો જ એક કિસ્સો સામે આવ્યો છે જ્યારે ઇંગ્લેન્ડની એક કંપની પોતાના કર્મચારીઓને સેલરીના બદલામાં સોનાની ઓફર કરી રહી છે.
કર્મચારીઓને નાણાકીય સંકટમાંથી બહાર લાવવા શરુ કરાઈ ઓફર
કંપનીના બોસ કર્મચારીઓને નાણકીય સંકટમાંથી બહાર લાવીને તેમના જીવનમાં ખુશહાલી જોવા ઈચ્છે છે અને તેને માટે તેમને પગાર કરતા પણ વધારે મૂલ્યવાળી વસ્તુઓ આપી રહ્યાં છે. આમ જોવા જઈએ તો પગારના બદલામાં મળતા સોનાના મૂલ્ય ઘણું વધી જાય છે અને કર્મચારીઓને પગાર કરતા પણ બમણા પૈસા મળે છે.
પહેલા 20 લોકોને પગારના બદલામાં અપાઈ રહ્યું છે સોનું
આ કંપની ઇંગ્લેંડની છે. અહેવાલો અનુસાર, કંપની તેના કર્મચારીઓને તેમના વર્તમાન અને ભવિષ્યને ધ્યાનમાં રાખીને પગારના બદલામાં સોનું આપી રહી છે. હાલ આ પોલિસી ટ્રાયલ પર છે અને કંપનીમાં સીનિયર પદો પર હાજર 20 લોકોને આનો લાભ આપવામાં આવ્યો છે. પરંતુ જો આ સિસ્ટમથી કર્મચારીઓને ફાયદો થશે તો કંપની તેના પર વિચાર કરશે.
જો કર્મચારીઓને રોકડા જોઈતા હોય તો રોકડા આપશે કંપની
રિપોર્ટ અનુસાર કંપનીએ પોતાના નિવેદનમાં કહ્યું છે કે સોનું આપવાની નીતિ પર માત્ર પોતાના કર્મચારીઓને આર્થિક સંકટથી બચાવવા માટે વિચાર કરવામાં આવ્યો છે. જો કે, જો કોઈ કર્મચારી રોકડ પગાર લેવા માંગે છે, તો તે તેને તે જ આપવામાં આવશે. કંપની વતી એવી પણ ચર્ચા કરવામાં આવી છે કે, ભવિષ્યમાં કર્મચારીઓને ચૂકવવામાં આવતા પગારનું વધારે મૂલ્ય મળે તે માટે કર્મચારીઓ માટે પગારને બદલે સોનાની ઓફર શરુ કરવામાં આવી છે.
કર્મચારીઓ સોનાના મૂલ્ય બરાબરની રોકડ ઉપાડી શકશે
જોકે સોનામાં ચૂકવણી કરવાનો અર્થ એ નથી કે કર્મચારીઓને સોનાના સિક્કા લઈને ઘેર જશે. તેઓ તેમની ઈચ્છાનુસાર સોનાથી પાઉન્ડના વિનિમય દર મુજબ રોકડ ઉપાડી શકશે એટલે એક રીતે જોઈએ તો કર્મચારીઓને પગાર કરતા વધારે મૂલ્ય મળે છે.
શું કહ્યું કંપનીના ગોલ્ડન બોસે
કંપનીના ગોલ્ડન બોસે કહ્યું કે સોનું એ સમય-ચકાસાયેલ ફુગાવાનો બચાવ છે અને તેણે હજારો વર્ષોથી તેની ખરીદ શક્તિ જાળવી રાખી છે. આવા સમયે, જ્યારે પરંપરાગત નાણા સતત તેની ખરીદ શક્તિ ગુમાવી રહ્યા છે, ત્યારે સોનું લોકોને ફુગાવાને આગળ રાખવાની શ્રેષ્ઠ તક આપે છે.