મજા આવશે / ગજબની નોકરી બાકી! કંપની આપશે 25 લાખ રૂપિયાનો પગાર, માત્ર કરવું પડશે આ નાનું કામ

• આરામ કરતા લોકો માટે સારી નોકરી
• કંપની નોકરીમાં પ્રવેશ મેળવનારા લોકોને સુવા માટે પગાર આપશે
• કર્મચારીએ દરરોજ 6 થી 7 કલાક પથારી પર પસાર કરવા પડશે

કર્મચારીએ નોકરીમાં ફક્ત પથારી પર સુતા-સુતા ટીવી જોવાનુ છે

નોકરીમાં કર્મચારીએ ફક્ત પથારી પર સુતા-સુતા ટીવી જોવાનુ છે અને ઉંઘવાનુ છે. હવે તમે વિચારી લો કે આખરે એવી કઈ નોકરી છે, જેમાં લોકોને આરામદાયક કામ આપવામાં આવ્યું છે. એક વેબ પોર્ટલના રિપોર્ટ મુજબ, આ નોકરી લગ્ઝરી બેડ કંપની ક્રાફ્ટેડ બેડ્સ આપી રહી છે. આ નોકરી કરતા શખ્સે દરરોજ 6 થી 7 કલાક પથારી પર ગુજારવા પડશે. ક્રાફ્ટેડ બેડ્સ તરફથી મૈટ્રેસ ટેસ્ટરની નિમણુંક કરવામાં આવી છે. જેનું કામ પથારી પર ઉંઘવુ અને તેના અંગે રિવ્યુ કરવાનુ છે.

કંપની કર્મચારીને વાર્ષિક 24 લાખ 79 હજાર રૂપિયા પગાર ચૂકવશે

ક્રાફ્ટેડ બેડ્સ નોકરીમાં પ્રવેશ મેળવનારા લોકોને કંપની વાર્ષિક 24 લાખ 79 હજાર રૂપિયા પગાર ચૂકવશે. કર્મચારીએ ફક્ત દર અઠવાડિયે મેટ્રેસને ટેસ્ટ કરવુ પડશે અને કંપનીને જણાવવુ પડશે કે તેનો ઉપયોગ કરવાથી ગાદલા કેવા છે. આ સાથે તેમાં ફેરફારની શક્યતા, તેમાં શું ખામી છે વગેરેનો રિવ્યૂ કરવો પડશે. નોકરી કરનારા લોકોને અઠવાડિયામાં 37.5 કલાક એટલેકે દિવસમાં અંદાજે 6 કલાક પથારી પર ટીવી જોતા અને ઉંઘતા-ઉંઘતા પસાર કરવા પડશે.

ઓફિસ જવાની જરૂર નથી

રિપોર્ટ મુજબ, ક્રાફ્ટેડ બેડ્સના માર્કેટીંગ મેનેજર તરફથી કહેવામાં આવ્યું છે કે નોકરી માટે કર્મચારીઓએ ઓફિસ આવવાની જરૂર નથી. ટેસ્ટિંગ અને રિવ્યુ માટે ગાદલા તેના ઘરે પહોંચાડી દેવામાં આવશે. નોકરી માટે બ્રિટીશ નાગરિકતા જરૂરી છે.