આરોપ / ભાજપને ચૂંટણી ફંડ આપનારી કંપનીને બુલેટ ટ્રેન પ્રોજેક્ટમાં કોન્ટ્રાક્ટ મળતાં સવાલો ઉઠ્યાં

• ક્યુબ કંસ્ટ્ર્રક્શન એન્જીનીયરીંગ લિમિટેડ કંપનીનાં અનેક કાર્યક્રમમાં ભાજપ નેતાઓની તસવીર 
• ક્યુબ કંસ્ટ્ર્રક્શને ભાજપને અલગ અલગ ટ્રાન્જેક્શનમાં 55 લાખ રૂપિયા ડોનેટ કર્યા
• જે કંપનીઓને ફંડ આપ્યા તેમને બુલેટ ટ્રેન પ્રોજેક્ટમાં કોન્ટ્રેક્ટ મળ્યા

વડોદરા સ્ટેશન પાસે વેસ્ટર્ન રેલ્વેનાં કોમ્પ્યુટરાઇઝડ રિઝર્વેશન કોમ્પ્લેક્સ માટે જગ્યાનું કોન્ટ્રેક્ટ મળ્યો 

ઠાકરે સરકારનાં આ મોટા નિર્ણય બાદ જ્યારે આ પ્રોજેક્ટ આપવામાં આવેલ કોન્ટ્રેકટ પર નજર નાખવામાં આવી તો તેમાં ઓછામાં ઓછી ત્રણ કંપનીઓ એવી છે જેમણે પાછલાં અમુક મહિનાઓમાં ભાજપને ફંડ આપ્યું હોય. વડોદરા સ્ટેશન પાસે વેસ્ટર્ન રેલ્વેનાં કોમ્પ્યુટરાઇઝડ રિઝર્વેશન કોમ્પ્લેક્સ માટે જગ્યાની લીઝનું ટેન્ડર ગુજરાતની ક્યુબ કંસ્ટ્ર્રક્શન એન્જીનીયરીંગ લિમિટેડ કંપનીને આપવામાં આવેલ છે આ કંપની ભાજપને ફંડ આપતી જ રહી છે. 

ક્યુબ કન્સ્ટ્રક્શનને પહેલા પણ ઘણા સરકારી પ્રોજેક્ટ મળી ચૂકેલ છે

જે ફંડની જાણકારી ભાજપે જાહેર કરી છે તે મુજબ આ કંપનીએ અલગ અલગ ટ્રાન્જેક્શનમાં 55 લાખ રૂપિયા ડોનેટ કર્યા છે. નાણાકીય વર્ષ 2012-13માં બે વખત અને 2017-18માં એક વાર આ ફંડ આપવામાં આવ્યું. કંપની હાલમાં વડોદરામાં સ્થિત છે, કંપનીની વેબસાઈટ મુજબ ક્યુબ કન્સ્ટ્રક્શનને પહેલા પણ ઘણા સરકારી પ્રોજેક્ટ મળી ચૂકેલ છે. જેમ કે ગુજરાત ઈન્ડસ્ટ્રિયલ ડેવલપમેન્ટ કૉર્પોરેશન, ગુજરાત ફોરેન્સિક સાયન્સિસ યુનિવર્સીટી, સરાદર વલ્લભભાઈ પટેલ નેશનલ ઇન્સ્ટિટ્યૂટ ઓફ ટેક્નોલોજી અને ગુજરાત એજ્યુકેશન ડિપાર્ટમેન્ટ જેવા કોન્ટ્રેક્ટ કંપનીને મળી ચુક્યા છે. 

એક પ્રોજેક્ટમાં વડાપ્રધાન નરેન્દ્ર મોદીએ પણ ઉદ્ઘાટન કર્યું

કંપનીને કેન્દ્રીય એજન્સીઓ ONGC, BSF અને ISROના કોન્ટ્રેક્ટ પણ આપવામાં આવ્યા છે. કંપનીએ પોતાની વેબસાઈટમાં દર્શાવ્યું છે કે ભાજપ નેતાઓ તેમના પ્રોજેક્ટના ઉદ્ઘાટન કરી રહ્યા છે. જેમાં એક પ્રોજેક્ટમાં વડાપ્રધાન નરેન્દ્ર મોદીએ પણ ઉદ્ઘાટન કર્યું છે.  ઘણી બધી તસવીરોમાં તેમની સાથે ગુજરાત મુખ્યમંત્રી વિજય રૂપાણી, પૂર્વ મુખ્યમંત્રી આનંદીબેન પટેલ  પણ નજરે પડી રહ્યાં છે. 

ફંડ આપનાર કંપનીની જાણકારી ભારતીય જનતા પાર્ટીએ પોતે જ ઈલેક્શન કમીશનમાં સોંપી છે 

આ સિવાય પણ બે એવી કંપની છે જેણે ભાજપને ફંડ આપ્યું હોય અને તેને સરકારી કામો માટે કોન્ટ્રેકટ મળી ગયો છે. જેમાં ગુજરાતની જ કંપની KR Savani છે, આ કંપનીને મુંબઈ-અમદાવાદ હાઈ સ્પીડ પ્રોજેક્ટ હેઠળ વડોદરા સ્ટેશન પર અલગ અલગ સર્વિસ બિલ્ડીંગના કન્સ્ટ્રકશનનું કામ મળી ગયું છે. ત્રીજા કોન્ટ્રેકટર ધનજી પટેલ છે. તેમણે 2017-18માં ભાજપને 2.5 લાખ રૂપિયાનું ફંડ આપ્યું. આ કંપનીને મુંબઈ-અમદાવાદ હાઈ સ્પીડ રેલ્વે પ્રોજેક્ટ હેઠળ વટવાથી સાબરમતી ડી કેબીન વચ્ચે વિવિધ નિર્માણ કાર્યનું કોન્ટ્રેકટ આપવમાં આવ્યું છે. નોંધનીય છે કે ભાજપને ફંડ આપનાર કંપનીની જાણકારી ભારતીય જનતા પાર્ટીએ પોતે જ ઈલેક્શન કમીશનમાં સોંપી છે.

આ તે જ ફંડ છે જે ભાજપે લીસ્ટમાં જણાવ્યા છે, પાર્ટીને કુલ કેટલું ફંડ મળ્યું છે તેની જાણકારી આ લીસ્ટમાં આપવામાં આવી નથી. 2017-18ની લીસ્ટ મુજબ ભાજપને 54 ટકા ફંડ અજ્ઞાત જગ્યાએથી મળ્યાં છે. જે ફંડ પાર્ટીને 20 હજારથી ઓછા મળે તે પાર્ટીએ ઘોષિત કરવા ફરજીયાત નથી.