સોશિયલ મીડિયા પર એક એવો વીડિયો વાયરલ થઇ રહ્યો છે. જેમા એક કંપનીના ચેરમેનનું અચાનક એ સમયે મોત થઇ ગયું, જ્યારે તેઓ લાંબુ જીવન જીવવાની ટિપ્સ આપી રહ્યા હતા. નોંધનીય છે કે, આ ઘટના ચીનની છે, અહી એક હેલ્થ કંપનીના 65 વર્ષના ચેરમેન એક કાર્યક્રમને સંબોધિત કરી રહ્યા હતા. આ કાર્યક્રમમાં સારી એવી ભીડ હતી.
સોશિયલ મીડિયા પર એક વીડિયો વાયરલ થયો
કંપનીના ચેરમેનનું અચાનક મોત થઇ ગયું
હેલ્થ કંપનીના 65 વર્ષના ચેરમેન એક કાર્યક્રમને સંબોધિત કરી રહ્યા હતા
લોકો તેઓને સાંભળી રહ્યા હતા અને તેઓ મંચથી કેટલીક ટિપ્સ આપી રહ્યા હતા. તેઓ લાંબુ જીવન જીવવાના ટિપ્સ આપી રહ્યા હતા. ત્યારે અચાનક કંઇક એવું બન્યું કે સૌ કોઇ હેરાન રહી ગયા અને ચેરમેન અચાનક મંચ પર પડી ગયા.
ડેલી મેલની એક રિપોર્ટ અનુસાર, ટિપ્સ આપવા દરમિયાન તેઓને અચાનક હાર્ટ એટેક આવી ગયો. તેઓ મંચ પર બનેલા પોડિયમ સાથે ટકરાઇને ફસડાઇ પડ્યા. વીડિયોમાં સ્પષ્ટ દેખાઇ રહ્યું છે કે, તેઓ પોતાની સ્પીચ આપતા સમયે પડી ગયા. અને ત્યાં જ તેમનું મોત થઇ ગયું.
રિપોર્ટ મુજબ, 65 વર્ષીય ચેન પીવેન ચીનની એક દવા કંપની જ્ઞૉન્ગયી હેલ્થ એન્ડ ટેક્નોલોજીના ચેરમેન હતા. આ કંપની ચીનના ગુઆંગજ્ઞાંગ પ્રાન્તમાં સ્થિત છે. આશ્ચર્યની વાત છે કે, ચેન પીવેને હાલમાં જ ઓગસ્ટમાં અહીં પોતાની હેલ્થ કંપની શરૂ કરી હતી. અને તેઓ કંપનીના પ્રમોશનના પ્રોગ્રામનો ભાગ બન્યા હતા. તેઓ લોકોને સંબોધિત કરી રહ્યા હતા.
કંપનીએ મીડિયાને જણાવ્યું કે, ચેન પોતાના ભાષણ દરમિયાન પડી ગયા હતા. જોકે, એમ પણ જણાવ્યું કે, ચેન વીસ વર્ષ પહેલા એક હાર્ટ બાઇપાસ સર્જરીથી પસાર થયા હતા અને તેઓ હોસ્પિટલમાં ચેક અપ માટે જવાના હતા.