ખતરો / નેશનલ ટાસ્ક ફોર્સે પણ કહી દીધું કે સરકાર ફેલ, કોરોનાને લઈને ભારતને માથે હવે આ ખતરો

• ભારતના ક્લ્સ્ટર ઝોનમાં કમ્યુનિટી ટ્રાન્સમિશન
• લૉકડાઉનના કડક નિયમોના પાલનની નિંદા
• શ્રમિકોને મળવી જોઈતી હતી ઘરે જવાની મંજૂરી

ભારતમાં કમ્યુનિટી ટ્રાંસમિશનના આધાર પહેલાં પણ મળ્યા હતા. એપ્રિલ મહિનામાં ભારતની મેડિકલ રિસર્ચ સંસ્થા (ICMR)એ આ તરફ ધ્યાન દોર્યું હતું. જો કે સ્વાસ્થ્ય મંત્રાલયે તેની પર ધ્યાન આપ્યું ન હતું. એપ્રિલ મહિનામાં મહામારી પર ધ્યાન રાખવા માટે નેશનલ ટાસ્ક ફોર્સે એક કમિટીની રચના કરી હતી. 

AIMS, BHU, JNUના જાણકારોએ PMને લખ્યો હતો પત્ર

25મેના રોજ મેડિકલ ક્ષેત્રની સાથે જોડાયેલી 3 નામી સંસ્થાઓએ પીએમ મોદીને પત્ર લખીને કોરોના મહામારી પર નિયંત્રણ માટે અપનાવવામાં આવેલી રીતની નિંદા કરી હતી. પત્ર લખનારામાં સ્વાસ્થ્ય વિભાગના પૂર્વ સલાહકાર, AIMS, BHU, JNUના પૂર્વ અને હાલના પ્રોફેસર પણ સામેલ છે. ડો. રેડ્ડીએ પણ પત્ર પર હસ્તાક્ષર કર્યા છે અને તે કોરોના પર અધ્યયન માટે બનેલી કમિટીના પ્રમુખ છે. આ સિવાય એમ્સમાં કમ્યુનિટી મેડિસીનના પ્રમુખ અને રિસર્ચ ગ્રૂપના સભ્ય ડો. શશિકાંતે પણ તેની પર હસ્તાક્ષર કર્યા છે. આ પત્ર 3 મેડિકલ સંસ્થાઓ દ્વારા જાહેર કરાયો છે. તેમાં કોઈનો અંગત મત નથી. 

લૉકડાઉનના કઠોર નિયમોની નિંદા

પીએમ મોદીને લખવામાં આવેલા પત્રમાં જાણકારોએ લૉકડાઉનની ખૂબ જ ટીકા કરી છે. તેઓએ કહ્યું કે લૉકડાઉનનું કડક પાલન, નીતિઓમાં સમન્વયનો અભાવ વગેરેની કિંમત ભારતે હવે ચૂકવવી પડશે. જો એવું વિચારો છો કે હજુ પણ કોરોના પણ કાબૂ મેળવી શકાશે તો તે હવે શક્ય નથી. કેમકે ભારતના અનેક ક્લ્સ્ટરમાં કમ્યુનિટી ટ્રાન્સમિશન સંપૂર્ણ રીતે થઈ રહ્યું છે. 

શ્રમિકોને મળવી જોઈતી હતી ઘરે જવાની મંજૂરી

આ પત્રમાં એ વાત પણ લખાી છે કે મહામારીની શરૂઆતમાં જ સંક્રમણનો ખતરો ઓછો હતો પછી શ્રમિકોને જવાની પરમિશન આપી હોત તો હાલની સ્થિતિથી બચી શકાયું હોત. શહેરથી આવેલા શ્રમિકો દેશના ખૂણે ખૂણે સંક્રમણ લઈ જઈ રહ્યા છે. સૌથી વધારે સ્વાસ્થ્ય વ્યવસ્થા પણ અહીં નથી. જો ભારત સરકાર શરૂઆતમાં સંક્રમણ જાણકારોનો મત લેતી તો વધારે પ્રભાવી રીતે કાબૂ મેળવી શકતી.