CWG 2022 / બજરંગ, સાક્ષી બાદ હવે દિપક પૂનિયાએ જીત્યો ગોલ્ડ, પાકિસ્તાની રેસલરને ધૂળ ચટાવી

• ભારતને રેસલિંગમાં મળ્યો વધુ એક ગોલ્ડ
• દિપક પુનિયાએ 86 કિલો કેટેગરીમાં જીત્યો ગોલ્ડ મેડલ
• પાકિસ્તાનનાં મોહમ્મદ ઈનામને હરાવ્યો

કૉમનવેલ્થ ગેમ્સ 2022માં ભારત માટે મેડલનો વરસાદ થઇ રહ્યો છે. શુક્રવારે રેસલિંગમાં ટીમ ઇન્ડિયાએ સતત મેડલ જીત્યા છે અને અંતમાં દીપક પૂનિયાએ પાકિસ્તાનના રેસલરને હરાવીને પણ ગોલ્ડ મેડલ જીત્યો છે. પ્રધાનમંત્રી નરેન્દ્ર મોદીએ રેસલરને શુભેચ્છા પાઠવી છે.

Feeling proud of the spectacular sporting performance by our very own Deepak Punia! He is India’s pride and has given India many laurels. Every Indian is elated by his winning the Gold medal. Best wishes to him for all upcoming endeavours. pic.twitter.com/tk9NuAIN1s

— Narendra Modi (@narendramodi) August 5, 2022

દીપક પૂનિયાએ 86 કિગ્રા. ફ્રી-સ્ટાઇલમાં કુશ્તીમાં પાકિસ્તાનના મોહમ્મદ ઇનામને 3-0થી હરાવ્યો છે. સમગ્ર મેચમાં દીપક પૂનિયા હાવી નજરે આવ્યા અને પાકિસ્તાની રેસલર દીપકના દાવની આગળ થાકેલા નજરે પડ્યા.

સાક્ષી મલિકે જીત્યો ગોલ્ડ 

ભારતની સાક્ષી મલિકે મહિલા ફ્રી સ્ટાઇલ 62 કિગ્રા વજન વર્ગની ફાઇનલમાં કેનેડાની અના ગોડિનેઝ ગોન્ઝાલેઝને હરાવી કોમનવેલ્થ ગેમ્સમાં ગોલ્ડ મેડલ જીતી લીધો છે. બજરંગ પૂનીયાનાં ગોલ્ડ બાદ આ ભારત માટે આઠમો ગોલ્ડ મેડલ હતો

બજરંગ પુનિયાએ જીત્યો ગોલ્ડ

અગાઉ ભારતના દિગ્ગજ પહેલવાન બજરંગ પુનિયાએ પુરુષોના 62 કિલોગ્રામ ભારવર્ગમાં શુક્રવારના રોજ કોમનવેલ્થ ગેમ્સમાં ગોલ્ડ મેડલ પોતાના નામે કર્યો છે. બજરંગે ફાઈનલમાં કેનેડાના લાચનાલ મેક્નિલને 9-2થી માત આપીને ગોલ્ડ પોતાના નામે કર્યો હતો. 

ભારતને કુલ 9 ગોલ્ડ મળ્યા

કૉમનવેલ્થ ગેમ્સ 2022માં ભારતની અત્યાર સુધીમાં 9 ગોલ્ડ મેડલ મેચ થઇ ગઇ છે. જેમાં ત્રણ શુક્રવારે રેસલિંગમાં આવ્યા છે, હવે ભારતના કુલ મેડલની સંખ્યા 24 પર પહોંચી ગઇ છે અને ટોપ 5માં પહોંચ્યા છે.

આ રીતે દીપકે મેળવ્યા 3 પોઇન્ટ
ભારતના દીપક પૂનિયા તરફથી આક્રામક શરૂઆત કરવામાં આવી, સૌથી પહેલો પોઇન્ટ ભારતને જ મળ્યો. ત્યારબાદ પાકિસ્તાની રેસલરને ડિફેન્સ મોડમાં જવાનુ નુકસાન થયું અને આનાથી ભારતના દીપક પૂનિયાને વધુ એક પોઇન્ટ મળ્યો.

પહેલા રાઉન્ડ બાદ જ પાકિસ્તાની રેસલર થાકેલા નજરે પડ્યા અને કોઈ પણ આક્રામક દાવ ન ખેલી શક્યા. આનો ફાયદો દીપક પૂનિયાને મળ્યો, જેમણે બન્ને રાઉન્ડમાં લીડ બનાવી રાખી અને અંતમાં આ મેચને 3-0થી પોતાના નામે કરી લીધી.