Central Bureau of Investigation એટલે કે CBIના આગામી નિર્દેશકને લઈને પ્રધાનમંત્રી આવાસ ખાતે યોજાયેલ બેઠક પૂર્ણ થઈ છે. બેઠકમાં 3 નામો અંગે મંથન કરાયું હોવાનું સૂત્રોનું કહેવું છે.
પ્રધાનમંત્રી આવાસ ખાતે યોજાયેલી બેઠક પૂર્ણ
CBI ડિરેક્ટર માટે ત્રણ નામોની થઈ ચર્ચા
ફેબ્રુઆરીથી CBI ડિરેક્ટરનું પદ પડ્યું છે ખાલી
ઉલ્લેખનીય છે કે, પ્રધાનમંત્રી નરેન્દ્ર મોદીની અધ્યક્ષતામા યોજાયેલી બેઠક પૂર્ણ થઈ છે. આ બેઠકમાં અધીર રંજન ચૌધરી અને ચીફ જસ્ટિસ ઓફ ઇન્ડિયા પણ જોડાયા હતા.
બેઠકમાં કરાયો વિચાર-વિમર્શ
CBIના વડા પદ માટે દેશના સીનિયર આઈપીએસ અધિકારીઓના નામ અંગે વિચાર-વિમર્શ કરવામાં આવ્યો હતો. સૂત્રો દ્વારા પ્રાપ્ત થયેલી જાણકારી પ્રમાણે, આ બેઠકમાં 3 નામો અંગે ચર્ચા થઈ હતી. જેમાંથી 1 વ્યક્તિ આગામી સમયમાં CBIના ડાયરેક્ટર હોઈ શકે છે.
3 નામ ચર્ચામાં
CBIના આગામી નિર્દેશકની રેસમાં 3 નામ રેસમાં છે. જેમાં સૌથી વધુ ડીજી અને ડીજીપી રેન્કના IPS ઓફિસર છે. આમ, તો 100 જેટલા નામની યાદી છે પરંતુ 3 નામને વધુ સંભવિત માનવામાં આવી રહ્યા છે. આ રેસમાં આર.કે.ચંદ્રા(SSBના DG),એચ.સી.અવસ્થી (UP, DGP) અને વીએસકે કૌમુદી(વિશેષ સચિવ, આંતરિક સુરક્ષા)ના નામ અંગે ચર્ચા કરવામાં આવી છે.
પ્રવિણ સિન્હા સીબીઆઈના કાર્યવાહક ડિરેક્ટર તરીકે બજાવી રહ્યા છે ફરજ
આપને જણાવી દઇએ કે, હાલ 1988 બેંચના ગુજરાત કેડરના IPS અધિકારી પ્રવિણ સિન્હા સીબીઆઈના કાર્યવાહક પ્રમુખ તરીકેનો કાર્યભાર સંભાળી રહ્યા છે. સીબીઆઈના ડેપ્યુટી ચીફ રાકેશ અસ્થાના સાથેના વિવાદ બાદ સીબીઆઈના નિર્દેશક આલોક વર્માને હટાવવામાં આવ્યા હતા. ત્યારબાદ ઋુષિ કુમાર શુક્લાને ડિરેક્ટર બનાવવામાં આવ્યા હતા. જેમનો કાર્યકાળ ફેબ્રુઆરીમાં પૂર્ણ થયો છે.