દેશમાં ટૂંક સમયમાં તમે વૉટર મેટ્રો પણ સવારી કરી શકશો. ડિસેમ્બર 2019 સુધી આ સેવા શરૂ થઇ શકે છે. કોચ્ચિ મેટ્રો રેલ લિમિટેડે પહેલા આ એપ્રિલમાં ચલાવવાની યોજના બનાવી હતી પરંતુ પછી આ ઓક્ટોબર સુધી આગળ વધારી દેવામાં આવી હતી. આ પ્રોજેક્ટ જર્મનની મદદથી તૈયાર કરવામાં આશે. KMRLના ડિરેક્ટરે જણાવ્યુ કે ''જાન્યુઆરી સુધી મેટ્રોનું ટેન્ડર આપી દેવામાં આવશે''
આ પ્રોજેક્ટનો ખર્ચ અંદાજિત કિંમત 819 કરોડ રૂપિયા જણાવવામાં આવી રહી છે સાથે જ જર્મનીની કંપની પણ આ પ્રોજેક્ટમાં 582 કરોડનું રોકાણ કરી રહી છે. આ વોટર મેટ્રો પ્રોજેક્ટનું કામ પણ શરૂ થઇ રહ્યુ છે.
KMRLના ડિરેક્ટરે આગળ કહ્યુ કે ''વોટર સ્ટેશન સુધી પહોંચવા માટેના રસ્તાઓ પર પણ ખાસ ધ્યાન આપવામાં આવશે જેના માટે પહેલા રસ્તાઓ પહોળા કરવામાં આવશે જેનાથી દ્વીપો પર રહેતા લોકોના જીવન સ્તરમાં સુધારો આવશે.'' વોટર મેટ્રોથી દ્વીપો પર રહેનારા લગભગ 1 લાખ લોકોને ફાયદો થશે.
વર્તમાન યોજના અનુસાર આ પ્રોજેક્ટમાં 2 પ્રકારની હોડી જોવા મળશે જેને ફાઇબર રેનફોર્સ્ડ પ્લાસ્ટિકથી બનાવવામાં આવશે. આ નાવ ઇકો-ફ્રેન્ડલી હશે અને બેટરીથી ચાલશે. આ હોડીઓ એક દ્વીપથી અન્ય દ્વીપ સુધી ચાલશે. જેમાં 76 કિમીના અંતરમાં 15 અલગ-અલગ રૂટ પર હોડીઓ ચલાવવામાં આવશે.