ન્યાયિક / 'મહિલાને 'સારી છે કહેવું' પણ ગણાશે યૌન શૌષણ', શરીર પર ન થઈ શકે કોમેન્ટ- HCનો ચુકાદો

જો તમે કોઈ મહિલાને તેના શારીરિક બાંધાને આધારે 'ફાઈન' કહીને ટિપ્પણી કરો છો, તો તમારે સચેત થઈ જવાની જરુર છે. કેરળ હાઈકોર્ટે સ્પષ્ટતા કરી છે કે આવું વર્તન પ્રથમ દૃષ્ટિએ જાતીય સતામણી સમાન હશે. મહિલાના શારીરિક બંધારણ પર ટિપ્પણી કરવાથી તેના ગૌરવનું ઉલ્લંઘન થાય છે. કેરળ હાઈકોર્ટના જસ્ટિસ એ. બદરુદ્દીને ભારતીય દંડ સંહિતાની કલમ 354A (1) (iv), 509 અને કેરળ પોલીસ અધિનિયમ, 2011ની કલમ 120 હેઠળ અરજદાર સામે નોંધાયેલ ફોજદારી કાર્યવાહીને રદ કરવાનો ઇનકાર કર્યો હતો.

શું હતો કેસ

ફરિયાદી મહિલાએ જણાવ્યું કે જ્યારે તે કેરળ સ્ટેટ ઇલેક્ટ્રિસિટી બોર્ડ લિમિટેડના ઇલેક્ટ્રિકલ વિભાગમાં કામ કરતી હતી ત્યારે આરોપીએ તેના વિશે 'ઠીક છે' જેવી ટિપ્પણીઓ કરી હતી. આ ટિપ્પણી જાતીય હતાશાથી ભરેલી હતી, જેના કારણે મહિલા માનસિક રીતે અસ્વસ્થ થઈ ગઈ હતી. આ ઉપરાંત આરોપીએ મહિલાને અશ્લીલ મેસેજ પણ મોકલ્યા હતા.

આરોપીએ શું દલીલ કરી

આરોપીએ પોતાની દલીલમાં કહ્યું કે કોઈના શારીરિક બંધારણના વખાણ કરવા એ જાતીય સતામણી ન હોઈ શકે. તેણે તેને કલમ 354A (1) (iv) અથવા 509 હેઠળ ગુનો ગણવાનો ઇનકાર કર્યો હતો. પરંતુ હાઈકોર્ટે આ ગુનાઓની વિગતવાર ચર્ચા કરી અને સ્પષ્ટ કર્યું કે જો કોઈ મહિલાનું અપમાન કરવા અથવા તેની ગોપનીયતામાં દખલ કરવાના ઈરાદાથી કોઈ ટિપ્પણી અથવા હાવભાવ કરવામાં આવશે, તો તેને IPCની કલમ 509 હેઠળ ગુનો ગણવામાં આવશે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ