એક મહિલાએ પોર્ટલ પર સાસુ-સસરાથી નારાજ હોવાનું કારણ જણાવ્યું છે અને સાસુએ એવી કમેન્ટ કરી કે સંબંધ તૂટી ગયો.
સાસુ-વહુનો ડિજીટલ ઝઘડો
વહુની ફેસબૂક પોસ્ટ પર કરી કમેન્ટ
સંબંધ તૂટી જવા સુધી પહોંચી ગઇ વાત
મહિલાએ લખ્યું કે, મારા સાસુ-સસરા ફેસબૂક પર મારી ફ્રેન્ડલિસ્ટમાં હતા અને તે મારી દરેક પોસ્ટ પર કમેન્ટ કરતા હતા. જો હું મારા બાળકની ફોટો અપલોડ કરુ તો તે ખુબ સારી કમેન્ટ કરતા હતા પરંતુ મારા મિત્રો સાથે અપલોડ કરુ તો મારે નીચાજોણુ થાય તેવી કમેન્ટ કરતા હતા.
મહિલાએ કહ્યું કે, હું હજી 40 વર્ષની પણ નથી અને 68 વર્ષની ઉંમર સુધી જે ઇચ્છુ તે પહેરી શકુ છું પરંતુ મારા સાસુ-સસરા મારા પોસ્ટ પર એવી કમેન્ટ કરતા હતા કે મારે શરમ અનુભવવી પડતી હતી. એક ફોટો પર કમેન્ટ કરતા લખ્યું કે મને આશા છે કે તારા બાળકો તને આ હાલતમાં નહી જોતા હોય. તેમનું કહેવું હતુ કે હું તે તસવીરમાં નશામાં હતી.
મહિલાએ લક્યું કે દરરોજ મારા સાસુ-સસરા મારી પોસ્ટ પર અજીબ કમેન્ટ કરતા હતા. એક દિવસ કંટાળીને મેં તેમને અનફ્રેન્ડ કરી દીધા હતા. આ જ કારણથી તે મારાથી નારાજ થઇ ગયા હતા.
પિડીતાએ કહ્યું કે, મારી સાસુએ મને મેસેજ કરીને પૂછ્યુ કે મને અનફ્રેન્ડ કેમ કરી. તો મે તેમને ફોન કરીને કારણ જણાવ્યુ હતુ પરંતુ તે વાત બાદ તેમણે મારી સાથે વાત કરવાનું બંધ કરી દીધુ હતુ. વધુમાં તેણે કહ્યું કે મારા પતિએ મારો પક્ષ લઇને સાસુ-સસરાને સમજાવવાનો પ્રયત્ન કર્યો પરંતુ તે સમજ્યા નહી.
ઘણો પ્રયત્ન કરવા છતાં પણ તે માન્યા નહી જેની અસર મારા અને મારા બાળકો પર પડી. મારા દીકરાએ એક દિવસ મને પૂછ્યું કે દાદા દાદી કેમ વાત નથી કરતા પરંતુ તેને શું સમજાવી શકાય. પહેલા તો મને થયુ કે તેને સાચુ કહી દઉ પરંતુ બાદમાં તેને કહ્યું કે દાદી અને દાદા એટલે દુખી છે કે તેમને મારી ફેસબૂક પર પોસ્ટ જોવા નથી મળતી. મારા 10 વર્ષના દિકરાને આ વાત ખુબ અજીબ લાગી હતી.