TKSS / કપિલ શર્મા સાથે કામ કરનાર કોમેડિયને ખાધું ઝેર, પૈસા અને પરિવારથી હતો પરેશાન

• એક આર્ટિસ્ટે આત્મહત્યાનો પ્રયાસ કર્યો
• કપિલ સાથે પણ કર્યુ છે કામ
• પરિવારના ઝઘડાથી હતો પરેશાન

2 વર્ષથી કામ વગર આર્ટિસ્ટ્સ
2 વર્ષથી કામ વગર રહી રહેલા આર્ટિસ્ટને આશા હતી કે હવે બધુ નોર્મલ થઇ જશે અને તેમને કામ મળશે પરંતુ તે વાત ખોટી નીકળી હતી. આ પ્રકારની કઠણાઇને જોતા એક એક્ટરે આત્મહત્યા કરવાનો પણ પ્રયાસ કર્યો હતો. 

તીર્થાનંદે કર્યો સુસાઇડનો પ્રયત્ન
ઇન્ડસ્ટ્રીમાં 15 વર્ષોથી સક્રિય તીર્થાનંદને નાના પાટેકરનો લુક અલાઇક પણ કહેવામાં આવે છે. તીર્થાનંદે 27 ડિસેમ્બરની સાંજે સુસાઇડ કરવાનો પ્રયત્ન કર્યો હતો. આડોશી પાડોશીને આ વાતની જાણ થતા તેને હોસ્પિટલ લઇ જવામાં આવ્યો હતો અને ચાર દિવસની સારવાર બાદ તેની હાલત સુધારા પર છે. 

આર્થિક તંગી અને પરિવારના ઝઘડાથી હતો દુઃખી
એક વાતચીતમાં તેણે જણાવ્યું કે, હા, મે ઝેર ખાધુ અને સિરીયસ હતો. આર્થિક તંગી સાથે પરિવારવાળા પણ મને છોડીને ગયા હતા. હું હોસ્પિટલમાં મરણ પથારીએ હતો તેમ છતાં મારો ભાઇ અને માતા મને જોવા પણ નહોતા આવ્યા. મારા ઇલાજ માટે એક પણ રૂપિયો આપ્યો નહી. આનાથી વધારે ખરાબ શું હોઇ શકે. મે જે વ્યક્તિ સાથે લગ્ન કર્યા તે ડાન્સર હતી. અમારી એક દીકરી છે. મારી પત્નીએ બીજા લગ્ન કરી લીધા અને દીકરીના પણ લગ્ન થઇ ગયા છે. તેમનાથી કોઇ કોન્ટેક્ટ નથી. 

કપિલ સાથે કર્યુ છે કામ
કોમેડી સર્કસ અજૂબાનો હિસ્સો રહી ચૂકેલા તીર્થાનંદે કહ્યું કે, હું શ્વેતા તિવારી, કપિલ શર્મા જેવા લોકો સાથે કામ કરી ચૂક્યો છું. 2016માં પણ મને કપિલે 2016માં શોમાં એક કેરેક્ટર ઓફર કર્યુ હતુ પરંતુ તેે સમયે એક ગુજરાતી ફિલ્મ કરી રહ્યો હતો એટલે ના પાડી હતી. હવે હું કપિલ પાસે ફરી કામ માંગવા જઇશ.