- ગરીબીમાં વિત્યું આ હાસ્ય કલાકારનું બાળપણ
- સુદેશ લહેરીએ કોમેડી શોથી લઇને ઘણી મોટી ફિલ્મોમાં કામ કર્યુ
- સુદેશે ગરીબીના સમયમાં પાણીમાં મીઠું નાખી ખાધી હતી રોટલી
સુદેશે ઈન્ડસ્ટ્રીમાં કેવીરીતે પોતાની ઓળખ બનાવી?
સુદેશ લહેરી જ્યારે પણ સ્ક્રીન પર દેખાય છે તો દર્શકોનું હાસ્ય છૂટી જાય છે. સુદેશે આ જગ્યાએ પહોંચવા માટે ખૂબ પરિશ્રમ કર્યો છે. સુદેશનું બાળપણ ખૂબ ગરીબીમાં વિત્યુ છે. તેમના ઘરમાં ખાવાના પણ પૈસા નહોતા. પરંતુ તેમ છતાં તેમણે ક્યારેય હાર માની નથી અને ગરીબીને ક્યારેય પણ પોતાના રસ્તામાં રોડારૂપ બનવા દીધી નથી. આવો જાણીએ છીએ કે કેવુ હતુ સુદેશનું બાળપણ અને કેવીરીતે તેમણે ઈન્ડસ્ટ્રીમાં પોતાની આટલી નામના ઉભી કરી છે.
પાણીમાં મીઠું નાખી ખાતો હતો રોટલી
સુદેશ લહેરીએ જણાવ્યું હતુ કે ઘરમાં પૈસાની એટલી તંગી હતી કે તેઓ ક્યારેય સ્કૂલ જ જતા નહોતા. ઈન્ટરવ્યુ દરમ્યાન તેમણે કહ્યું, મારો જન્મ જલંધરમાં થયો હતો. બાદમાં અમે અમૃતસર આવી ગયા. બાળપણમાં મેં ખૂબ ધક્કા ખાધા હતા. મારા પિતા પાસેથી ગોલ્ડનું કામ શીખ્યુ હતુ. તે વખતે મારા પિતા 100-200 રૂપિયા કમાતા હતા. તેઓ નશો એટલો કરતા હતા કે તેમના બધા રૂપિયા પૂરા થઇ જતા હતા. જેને કારણે ઘરનો ખર્ચ પરવડતો ન હતો. ઘરમાં એક જોડી ચપ્પલ હતી. જો તે પહેરીને ગઇ હોય તો તે જ્યારે પહેરીને પાછી આવતી હતી ત્યારે હું ચપ્પલ પહેરતો હતો. ખાવામાં પણ એવુ થતુ હતુ કે પાણીમાં મીઠું નાખીને રોટલી ખાતો હતો. હું ક્યારેય સ્કૂલ ગયો નથી કારણકે મારી પાસે ફી ભરવા માટે પૈસા નહોતા.
એવોર્ડ વેચીને રાશન ખરીદ્યુ
સુદેશે જણાવ્યું કે પરિવારજનોએ તેમને ચાની દુકાન પર કામ કરવા માટે લગાવી દીધો હતો. તેમણે કહ્યું, મે મારા જીવનમાં એટલા બધા દુ:ખ જોયા છે કે ભગવાન મારા દુશ્મનને પણ આ દુ:ખ ના બતાવે. મેં પંજાબમાં ખૂબ કામ કર્યુ છે. એક વખત એક વ્યક્તિ ઘરે આવ્યો અને કહ્યું કે અમે તમારું સન્માન કરવા માંગીએ છીએ તો તે સમયે મારા ઘર પર ખાવા માટે રોટલી નહોતી. ઘર વેચાવાનુ હતુ. બાળકો બિમાર હતા. સ્થિતિ ખૂબ ખરાબ હતી. તો એ વ્યક્તિને મેં પૂછ્યુ કે આ એવોર્ડ કેટલાનો હશે. તો તેણે કહ્યું કે 300-400 રૂપિયાનો. મેં તેને કહ્યું કે મને એવોર્ડના બદલામાં રૂપિયા આપી દો. તેમણે મને પૈસા આપી દીધા અને પછી આ એવોર્ડથી તેમણે મને સ્ટેજ પર સન્માનિત કર્યો. એવોર્ડના બદલામાં મળેલા રૂપિયાથી મેં રાશન ખરીદ્યુ અને પરિવારનું પેટ ભર્યુ.
