કપિલ શર્મા તેના 'ધ કપિલ શર્મા શો'માં અનેક સ્ટાર્સની સાથે મસ્તી કરતાં જોવા મળે છે. શોના અપકમિંગ એપિસોડમાં એટલે કે રવિવારે તે દીપિકા પાદુકોણ સાથે ઓડિયન્સનું એન્ટરટેનમેન્ટ કરતા જોવા મળશે, પરંતુ મસ્તી-મજાક કરતાં-કરતાં તે દેશ છોડવાની વાત કહી દે છે.
સ્ટાર્સ સાથે મસ્તી કરતાં જોવા મળે છે કપિલ શર્મા
હાલમાં જ તેના શોમાં કહી દેશ છોડવાની વાત
કપિલ રવિવારે દીપિકને આપશે લાફ્ટર ડોઝ
હકીકતમાં શોના અપકમિંગ પ્રોમોમાં કપિલ શર્મા દીપિકાની સાથે મસ્તી કરતાં જોવા મળે છે. તે વાત-વાતમાં દીપિરાની પ્રશંસા કરવા લાગે છે. કપિલ કહે છે કે, દીપિકા હવે તેની ફિલ્મ 'છપાક'માં એક પ્રોડ્યૂસર તરીકે પણ કામ કરી રહી છે. તે રણવીર સિંહ સાથે તેની આગામી ફિલ્મ '83'ને પણ પ્રોડ્યૂસ કરી રહી છે. વધુમાં કપિલે કહ્યું, પ્રેમ પણ રણવીર સાથે અને લગ્ન પણ રણવીર સાથે અને તેની જ ફિલ્મ પર પૈસા પણ લગાવી રહી છે દીપિકા, તો શું અમે દેશ છોડી દઈએ? કપિલની આ વાત સાંભળીને દીપિકા હસવા લાગી.
કપિલ દેશ છોડવાની વાત મજાકમાં કહે છે. બધાં જાણે જ છે કે, કપિલને દીપિકા ખૂબ જ પસંદ છે. શોમાં ઘણીવાર તેણે દીપિકાના પતિ અને એક્ટર રણવીર સિંહને પણ આ અંગે જણાવ્યું છે. કપિલ પ્રેમથી દીપિકાને દીપુ કહે છે.
કપિલ-કાજોલે ખોલ્યા અજયના સીક્રેટ્સ
કપિલ શર્માના શોમાં શનિવારે અજય દેવગણ અને કાજોલ જોવા મળ્યા હતા. ફિલ્મ 'તાનાજી ધ અનસંગ વૉરિયર'ના પ્રમોશન માટે તેઓ શોમાં પહોંચ્યા હતા. સેટ પર કપિલે આ બંને સ્ટાર્સ સાથે ભરપૂર મસ્તી કરી હતી. કપિલ અને કાજોલે મળીને અજયની કેટલીક મજેદાર વાતોનો ખુલાસો કર્યો હતો. હવે રવિવારે રાતે કપિલ અને દીપિકા દર્શકોને કેટલા હસાવશે તે માટે રવિવારનો એપિસોડ જોવો પડશે.