દુઃખદ / જાણીતા કૉમેડિયનનું શો પર્ફોર્મન્સ દરમ્યાન જ થયું મોત, લોકો મજાક સમજતાં રહ્યાં

બ્રિટિશ કૉમેડિયન ઇયાન કૉગ્નિટોનું શો પર્ફોર્મન્સ દરમ્યાન જ મોત થઈ ગયું. તેમનું અસલી નામ પૉલ બર્બરી હતું. 11 એપ્રિલ, 2019ના રોજ તેઓ પર્ફોર્મ કરી રહ્યાં હતાં અને તે દરમ્યાન જ તેમની મોત થઈ ગઈ હતી. 60 વર્ષના કૉગ્નિટોનું મોત હાર્ટ ઍટેકને કારણે થઈ હતી. 

લોન વુલ્ફ કૉમેડી ક્લબના માલિકે જણાવ્યું કે બાઈચૅસ્ટરના ઍટિક બારમાં અહીં હાજર દર્શકોને તો પહેલાં લાગ્યું કે કૉગ્નિટો મજાક કરી રહ્યાં છે. કોઈને ખ્યાલ ન હતો કે તેમને તકલીફ થઈ રહી હતી. પોતાના શો દરમ્યાન ઇયાન ત્યાં ટેબલ પર બેસી ગયા અને જોર-જોરથી શ્વાસ લેવા લાગ્યાં. ત્યાર બાદ પાંચ મિનિટ સુધી કંઈ પણ બોલ્યાં વિના બેસી રહ્યાં. ત્યાં હાજર ઑડિયન્સ તેમનો આ વર્તાવ જોઈને હસતી હતી. તેમણે જણાવ્યું કે અમે મંચ પર ગયા તો અમને એમ કે તે હમણાં ઉઠી જશે પરંતુ એવું કંઈ થયું નહીં. 
 
ઍમ્બ્યુલન્સ બોલાવાઈ હતી પરંતુ ત્યાં સુધી તો કૉગ્નિટો દુનિયા છોડી જતા રહ્યાં હતાં. આ ત્રાસદી પર વાત કરતા ઍન્ડ્રુ બર્ડે જણાવ્યું કે શો શરૂ થતાં પહેલાં જ તેમને સ્વસ્થતા લાગતી ન હતીં. કૉગ્નિટોએ સ્ટેજ પર જ પોતાના સ્વાસ્થ્ય લઈને જોક મારતા કહ્યું હતું કે માની લો હમણાં હું તમારી સામે મરી જઉં તો? પરંતુ કોને ખબર હતી કે આ વાત સાચી થઈ જશે.