યુદ્ધવિરામ / શાંતિ મંત્રણા કરવી હોય તો અહીંયા આવો, રાષ્ટ્રપતિ ઝેલેન્સ્કીએ બેલારુસની પુતિનની ઓફર કેમ ફગાવી, જાણો

• રશિયાએ વાતચીત માટે બેલારુસ મોકલ્યું પ્રતિનિધિમંડળ
• યુક્રેન બેલારુસમાં શાંતિ મંત્રણા તૈયાર નહીં
• બેલારુસને બદલે બીજા કોઈ દેશમાં વાતચીત માટે યુક્રેનની તૈયારી
• રાષ્ટ્રપતિએ ઝેલેન્સ્કીએ કહ્યું-પોલેન્ડના વોર્સો, બુડાપેસ્ટ, બાકુમાં આવો 

રશિયાએ બેલારુસમાં યુક્રેનને શાંતિ મંત્રણા માટે આમંત્રણ આપ્યું છે પરંતુ યુક્રેનને રશિયાએ સૂચવેલું સ્થળ મંજૂર નથી તે બીજી કોઈક જગ્યાએ મંત્રણા કરવા માગે છે. યુક્રેન રાષ્ટ્રપતિ ઝેલેન્સકીએ બેલારુસમાં વાતચીત કરવાનો ઈન્કાર કરી દીધો છે. રશિયા પડોશી દેશ બેલારુસમાં શાંતિ મંત્રણા કરવા તૈયાર છે પરંતુ યુક્રેનને આ સ્થળ પસંદ નથી.

President Volodymyr Zelensky said Ukraine is willing to hold talks with Russia - but not in neighbouring Belarus as it's being used as a launchpad for invasion. "Warsaw, Bratislava, Budapest, Istanbul, Baku. We proposed all of them," he said in an online address: AFP News Agency

— ANI (@ANI) February 27, 2022

ઝેલેન્સ્કી  વોર્સો, બ્રાતિસ્લાવા, ઈસ્તંબુલ, બુડાપેસ્ટ અથવા બાકુમાં શાંતિ મંત્રણા કરવા તૈયાર

ઝેલેન્સ્કીએ રવિવારે એક વીડિયો સંદેશ જારી કરીને કહ્યું કે અમે બેલારુસમાં નહીં પરંતુ પોલેન્ડની રાજધાની વોર્સો, બ્રાતિસ્લાવા, ઈસ્તંબુલ, બુડાપેસ્ટ અથવા બાકુમાં શાંતિ મંત્રણા કરવા તૈયાર નથી. તેમણે કહ્યું કે બીજા સ્થળોએ પણ મંત્રણા થઈ શકે છે પરંતુ બેલારુસમાં તો જરા પણ નહીં.

બેલારુસમાં શાંતિ મંત્રણા કરવા ઝેલેન્સ્કી કેમ તૈયાર નહીં

રશિયાએ શાંતિ વાતચીત માટે તેના પડોશી દેશ બેલારુસની પસંદગી કરી છે પરંતુ યુક્રેન તો બેલારુસનું નામ સાંભળતા જ ભડકી જાય છે. કારણ કે યુક્રેનનું એવું માનવું છે બેલારુસ રશિયાનો સમર્થક દેશ છે અને ત્યાં રશિયા તેની પસંદગીના કરાર કરવા માટેનું દબાણ કરી શકે છે. ઝેલેન્સ્કીએ કહ્યું કે શાંતિ મંત્રણા એવા સ્થળે થવી જોઈએ કે જેઓ યુક્રેન પરત્વે સહાનુભૂતિ ધરાવતા હોય. બેલારુસથી રશિયાના સૈનિકો યુક્રેન પર હુમલો કરી રહ્યાં છે તેથી મિન્સ્કમાં શાંતિ મંત્રણા ન થઈ શકે. 

The Kremlin says a Russian delegation has arrived in the Belarusian city of Homel for talks with Ukrainian officials, reports AP

— Press Trust of India (@PTI_News) February 27, 2022

રશિયાએ વાતચીત માટે બેલારુસનો હોમેલ શહેરમાં પ્રતિનિધિમંડળ મોકલ્યું 
રશિયન રાષ્ટ્રપતિ કાર્યાલય ક્રેમલિને રવિવારે કહ્યું કે તેનું એક પ્રતિનિધિમંડળ વાતચીત માટે બેલારુસના હોમેલ શહેર પહોંચી ગયું છે. ક્રેમિલનના પ્રવક્તા દિમિત્રી પેસ્કોવે જણાવ્યું કે પ્રતિનિધિમંડળમાં લશ્કરી અધિકારી તથા રાજદ્વારી નેતાઓ સામેલ છે. તેમણે કહ્યું કે રશિયન પ્રતિનિધિમંડળ વાતચીત માટે તૈયાર છે અને યુક્રેની અધિકારીઓની પ્રતિક્ષા કરી રહ્યાં છે.