અમદાવાદ / કોલેજિયન યુવતીને ગુલાબનું ફૂલ આપીને રિક્ષાચાલકે કહ્યું ફ્રેન્ડશીપ કર નહીંતર....

• અમદાવાદની યુવતીએ રિક્ષાચાલક વિરૂદ્ધ નોંધાવી ફરિયાદ
• ફ્રેન્ડશીપ કરવા માટે કરી રહ્યો હતો દબાણ

કોલેજ જવા માટે જે રિક્ષામાં બેઠી હતી તેનો ચાલક દરરોજ તેનો પીછો કરીને ફ્રેન્ડશીપ કરવા દબાણ કરતો હતો. બે દિવસ પહેલાં કૉમર્સ છ રસ્તા પાસે યુવતી તેની ફ્રેન્ડને મળવા માટે ઊભી હતી ત્યારે ‌રિક્ષાચાલક યુવતી પાસે આવ્યો હતો અને તમે મારી ‌રિક્ષામાં આવતા નથી? તમે મારાથી કેમ ડરો છો તેમ કહીને તે જતો રહ્યો હતો. 

યુવતીને ફ્રેન્ડ‌શિપ માટે આપી ધમકી  

પાંચ મિનિટ બાદ રિક્ષાચાલક ગુલાબ લઈ આવ્યો હતો અને યુવતીને કહ્યું કે તું મારી સાથે ફ્રેન્ડ‌શીપ નહીં રાખે તો હું કંઇક કરી નાખીશ. રિક્ષાચાલકે ગમે તે રીતે યુવતીનો નંબર મેળવીને તેને ફોન કરીને કહ્યું કે હું ‌રિક્ષાવાળો રજનીશ મકવાણા બોલું છું. 

રિક્ષાચાલકે યુવતીને આપી ધમકી 

યુવતીએ તેને કોલેજના ડીન સાથે વાત કરાવી હતી અને તેમણે ફરિયાદની ધમકી આપતાં રિક્ષાચાલકે ફોન કાપી નાખ્યો હતો.  યુવતી એચએલ કોલેજ પાસે ઊભી હતી ત્યારે તેનો ભાઈ  લેવા આવ્યો હતો ત્યારે પણ ‌રિક્ષાચાલકે ત્યાં આવી ફ્રેન્ડશીપ કરવા યુવતીને કહ્યું હતું. યુવતીના ભાઈએ તેને સમજાવતાં ઝપાઝપી કરી ઝઘડો કર્યો હતો.