દેશની રાજધાની દિલ્હીમાં પહાડી વિસ્તારમાંથી આવતા બર્ફીલા પવન વચ્ચે આજે લોકોને કડકડતી ઠંડીમાંથી રાહત મળવાની સંભાવના છે. જ્યારે હવામાન વિભાગની આગાહી છે કે વેસ્ટર્ન ડિસ્ટર્બન્સને કારણે તાપમાનમાં વધારો થવાની સાથે ઠંડી ઓછી લાગશે.
પહાડો પર હિમવર્ષાથી દિલ્હીમાં વધ્યુ ઠંડીનુ જોર
લોકોને કડકડતી ઠંડીમાંથી રાહત મળવાની સંભાવના
વરસાદની સાથે કેટલાંક વિસ્તારોમાં કરા પડવાની આગાહી
જાન્યુઆરીમાં વરસાદની સંભાવના
જો કે છેલ્લાં 24 કલાકમાં ન્યુનત્તમ તાપમાન સામાન્યથી 3 ડિગ્રી ઓછુ 4.2 ડિગ્રી સેલ્સિયસ નોંધાયુ છે. ઉલ્લેખનીય છે કે 4-5 જાન્યુઆરીએ વરસાદ થવાની શક્યતા છે. હવામાન વિભાગ મુજબ, છેલ્લાં 24 કલાકમાં મહત્તમ તાપમાન સામાન્યથી થોડુ વધુ 20.4 ડિગ્રી સેલ્સિયસ અને ન્યુનત્તમ તાપમાન સામાન્યથી 2 ડિગ્રી સેલ્સિયસ રહ્યું છે. જ્યારે હવામાં ભેજનું સ્તર 46 થી 98 ટકા રહ્યું. એવામાં તાપમાન નીચે જવુ અને ભેજના ઉચ્ચ સ્તરને કારણે સવારના સમયે રસ્તા પર ધૂમ્મસની ચાદર છવાઈ. આખો દિવસ તડકો નિકળવાના કારણે લોકોને શરદીમાંથી રાહત મળી. જો કે બરફવાળા પવનોને કારણે સાંજ થતાં ઠંડીમાં વધારો થયો છે.
આગામી દિવસમાં વરસાદની શક્યતા
હવામાન વિભાગની આગાહી છે કે છેલ્લાં 24 કલાકમાં મહત્તમ તાપમાન 21 અને ન્યુનત્તમ તાપમાન 6 ડિગ્રી સેલ્સિયસ સુધી નોંધાઇ શકે છે. એવામાં વેસ્ટર્ન ડિસ્ટર્બન્સના કારણે 5 થી 8 જાન્યુઆરી સુધી વરસાદની શક્યતા થઈ છે. એવામાં આકાશમાં છવાયેલા વાદળને કારણે ન્યુનત્તમ તાપમાનમાં વધારો થશે. જો કે દિવસના અંતરમાં વધુ અંતર આવશે નહીં. અત્યારે અઠવાડિયાના અંત સુધીમાં મહત્તમ તાપમાન 21 અને ન્યુનત્તમ તાપમાન 10 ડિગ્રી સેલ્સિયસ સુધી નોંધાઈ શકે છે.
7 જાન્યુઆરી બાદ ફરી પડશે હાડ થીજવતી ઠંડી
ઉલ્લેખનીય છે કે હવામાન વિભાગ મુજબ આગામી 4 થી 7 જાન્યુઆરીની વચ્ચે વરસાદ બાદ NCRની હવા શુદ્ધ થવાની આશા છે. એવામાં પ્રદૂષણનું સ્તર ઓછું થઇ જશે. જ્યારે જાન્યુઆરીમાં વરસાદની સાથે કેટલાંક વિસ્તારોમાં કરા પડવાની આગાહી છે. એવામાં 7 જાન્યુઆરી સુધી વરસાદ પૂર્ણ થયા બાદ ફરી એક વખત ઠંડી હવાઓનું જોર ચાલશે.