કોલ્ડ વેવ / ગુજરાતમાં ઠારનો માર: તાપમાનનો પારો ગગડ્યો, નલિયા, ઉત્તર ગુજરાત ઠંડુગાર

• ગુજરાતમાં પણ કડકડતી ઠંડીનો અહેસાસ
• નલિયામાં સૌથી ઓછુ 6 ડિગ્રી તાપમાન નોંધાયુ
• ભૂજમાં 10 ડિગ્રી, કંડલામાં 11 ડિગ્રી તાપમાન

ગુજરાતમાં હજુ પણ ઠંડીનો કહેર યથાવત છે. તો કેટલાક વિસ્તારોમાં ઠંડીથી આંશિક રાહત મળી છે. નલિયા ફરી એકવાર રાજ્યનું સૌથી ઠંડુ શહેર રહ્યું છે. નલિયામાં તાપમાનનો પારો 6 ડિગ્રીએ પહોંચી ગયો છે.

બીજી તરફ ભુજમાં પણ 10 ડિગ્રી તાપમાન નોંધાયું છે. આ તરફ કંડલામાં 11 ડિગ્રી તાપમાન નોંધાયું છે. જ્યારે અમરેલી, રાજકોટ અને ભાવનગરમાં 12 ડિગ્રી તાપમાન નોંધાયું હતુ. 

ઉત્તર ગુજરાતમાં ડિસા, ઈડરમાં તાપમાન 13 ડિગ્રીએ પહોંચ્યુ હતું તો વળી અમદાવાદમાં 14 ડિગ્રી તોપામાન નોંધાતા થોડી રાહત મળી હતી. બનાસકાંઠામાં પણ જોરાદાર ઠાર પડ્યો હતો.

વડોદરા અને સુરતમાં 13 ડિગ્રી જ્યારે પોરબંદર, વેરાવળ અને અમદાવાદમાં 14 ડિગ્રી તાપમાન નોંધાયું છે. એટલે કે કેટલાક શહેરોમાં ઠંડીમાં આંશિક રાહત મળતી નજરે પડી રહી છે.