ગુજરાત ભરમાં શિયાળો બરોબર જામ્યો છે. વહેલી સવારે તો ગોદડામાંથી નીકળવાની ઈચ્છા ન થાય એવી કાતિલ ઠંડી વરસી રહી છે ત્યારે નલિયા સહિત ગુજરાતના તમામ રાજ્યોમાં તાપમાનનો પારો ગગડ્યો હતો.
નલિયામાં તાપમાનનો પારો 6 ડિગ્રીએ પહોંચ્યો
ભુજ અને ડીસામાં તાપમાનનો પારો 10 ડિગ્રીએ પહોંચ્યો
ઈડરમાં પણ તાપમાનનો પારો 11 ડિગ્રીએ પહોંચ્યો
ઉત્તર ભારતમાં થઈ રહેલી હિમવર્ષાના કારણે મેદાની પ્રદેશોમાં પણ ઠંડીનો ચમકારો વધ્યો છે. હરિયાણા, દિલ્લી રાજસ્થાન અને ગુજરાત સુધી ઠંડા પવનો વહી રહ્યા છે. જેના કારણે ગુજરાત પણ ઠંડુગાર થયું છે. રાજ્યમાં ઠંડીનો ચમકારો એટલી હદે વધી રહ્યો છે કે વહેલી સવારે લોકો બહાર નીકળવાનું ટાળી રહ્યા છે.તો રાજ્યમાં નલિયા સૌથી ઠંડુ શહેર રહ્યું છે.નલિયામાં તાપમાનનો પારો 6 ડિગ્રી સુધી ગગડ્યો છે
ડીસા અને ભુજમાં ઠંડીનો ચમકારો
બીજી તરફ ભુજ અને ડીસામાં પણ તાપમાનનો પારો 10 ડિગ્રી સુધી ગગડ્યો છે. તો ઈડરમાં પણ તાપમાન 11 ડિગ્રી સુધી પહોંચી ગયું છે.
અમદાવાદમાં પણ પારો ગગડ્યો
અમદાવાદ, રાજકોટ, કંડલામાં 12 ડિગ્રી તો અમરેલીમાં 13 ડિગ્રીએ તાપમાન પહોંચી ગયું છે.
આબુમાં તાપમાન 1 ડિગ્રી
ગુજરાત અને રાજસ્થાનની બોર્ડર પર આવેલા માઉન્ટ આબુમાં પણ તાપમાનનો પારો 1 ડિગ્રીએ પહોંચી ગયો છે. જેના કારણે સહેલાણીઓનો પણ ભારે ધસારો વધી ગયો છે.. તો ગુજરાતમાં ઠંડીનો ચમકારો વધતાં હવે લોકો ઠંડી ઉડાડવા માટે સવારે જોગિંગ, કસરત અને યોગાનો સહારો લઈ રહ્યા છે. તો કેટલાક લોકો ગરમ પીણા પીને ઠંડી ઉડાડી રહ્યા છે.