કોલ્ડવેવ / ગુજરાતમાં કડકડકતી ઠંડી, અમદાવાદ સહિતના વિસ્તારમાં તાપમાનનો પારો ગગડ્યો

• અમદાવાદમાં 15 ડિગ્રી તાપમાન નોંધાયું
• આબુ બન્યુ ઠંડુગાર, અંબાજી ઈડરમાં પણ કોલ્ડવેવ
• અમીરગઢમાં 12 ડિગ્રી, ડીસા અને રાજકોટમાં 13 ડિગ્રી

પહાડો પર થઈ રહેલી હિમવર્ષાના કારણે હવે મેદાની પ્રદેશોમાં ઠંડીનો ચમકારો જોવા મળી રહ્યો છે. રાજસ્થાન અને ગુજરાત સુધી ઠંડા પવનો વહેતા લોકોને વહેલી સવારે બહાર નીકળવું મુશ્કેલ થઈ ગયું છે. ગુજરાતની વાત કરીએ તો રાજ્યમાં સૂસવાટા મારતા પવનના કારણે ઠંડીનો ચમકારો જોવા મળ્યો છે. 

અમદાવાદમાં 15 ડિગ્રી તાપમાન નોંધાયું

રાજ્યમાં અંબાજીમાં 11 જ્યારે નલિયામાં 12 ડિગ્રી તાપમાન નોંધાયું છે. તો અન્ય શહેરોમાં તાપમાન 13થી 16 ડિગ્રીની વચ્ચે નોંધાયું છે. અમીરગઢમાં 12 ડિગ્રી, ડીસા અને રાજકોટમાં 13 ડિગ્રી તાપમાન નોંધાયું છે. જ્યારે ગાંધીનગરમાં 14 તો અમદાવાદમાં 15 ડિગ્રી તાપમાન નોંધાયું છે. 

આબુ બન્યુ ઠંડુગાર, અંબાજી ઈડરમાં પણ કોલ્ડવેવ

આ તરફ રાજસ્થાનના પર્યટક સ્થળ માઉન્ટ આબુમાં 4 ડિગ્રી તાપમાન નોંધાયું છે. અંબાજીમાં 11 ડિગ્રી તાપમાન નોંધાયુ હતુ જેને પગલે ઈડર પણ ઠંડુગાર બન્યો છે. શિયાળો બરોબર જામ્યો છે. ડિસેમ્બર, ફેબ્રુઆરીમાં કાયમ કાતિલ ઠંડી પડે છે પણ આ વખતે ઠંડીનો ચમકારો વધુ જોવા મળશે તેવી હવામાન ખાતાની આગાહી છે.