હવામાન વિભાગ દ્વારા આવનારા 48 કલાક કોલ્ડ વેવની આગાહી કરવામાં આવી છે. જો કે માવઠાની કોઈ શક્યાતાઓ નથી પણ આ ઠારથી ઘઉંનો પાક વધુ સારો થશે તેવું ખેડૂતોનું માનવું છે.
ઠંડીને લઇ હવામાન વિભાગઈ આગાહી કરી છે. આગામી 48 કલાક નલિયામાં કોલ્ડ વેવ રહેશે તેવી આગાહી હવામાન વિભાગ દ્વારા કરવામાં આવી છે. નલિયાનું લઘુતમ તાપમાન 5 ડીગ્રી રહી શકે છે.
શું છે હવામાન વિભાગની આગાહી
હવામાન વિભાગના ડાયરેક્ટર જયંત સરકારે જણાવ્યું કે ક્ચ્છમાં ઉત્તર તરફના પવન ફૂંકાય છે તેથી તાપમાન ઘટ્યું છે જો કે ખેડૂતો માટે રાહતના સમાચાર એ છે કે, આગામી દિવસોમાં કોઈ કમોસમી વરસાદની સંભાવના છે.
રાજ્યમાં કમોસમી વરસાદી માવઠા બાદ લોકોને હવે ઠંડીના ચમકારાએ બાનમાં લીધા છે. હાલ થોડા દિવસ સુધી રાજ્યના અનેક વિસ્તારોમાં કમોસમી વરસાદ વરસ્યો હતો જેના કારણે ખેડૂતોની ચિંતામાં વધારો થયો હતો. ખેડૂતોના ઉભા રવિ પાકને ભારે નુકસાનની ભીતિ જોવા મળી છે. ત્યારે હવે રાજ્યમાં કમોસમી વરસાદ બાદ ઠંડીનો ચમકારો વધ્યો છે. વહેલી સવારથી ફુલ ગુલાબી ઠંડીનો અહેસાસ જોવા મળ્યો છે. અમદાવાદ, રાજકોટ, વડોદરા, સુરતમાં ઠંડીનો પારો ગગડયો છે. રાજ્યમાં સૌથી વધુ ઠંડા શહેર તરીકે નલિયા ફરી મોખરે રહ્યું છે. નલિયામાં લઘુત્તમ તાપમાન 5 ડિગ્રી નોંધાયું છે. જ્યારે અમદાવાદનું લઘુત્તમ તાપમાન 17.2 ડિગ્રી નોંધાયું છે. રાજકોટ 15.1 ડિગ્રી અને ગાંધીનગરમાં 15.5 ડિગ્રી નોંધાયું છે.
હવામાન વિભાગની આગાહી મુજબ રાજ્યમાં આગામી દિવસમાં ઠંડીનું જોર ધીરે-ધીરે વધશે. લઘુત્તમ તાપમાનમાં ઘટાડો જોવા મળશે.
નલિયામાં કેમ સૌથી વધુ ઠંડી પડે છે
રાજ્યમાં ઠંડીના ઈતિહાસની સૌથી કાતિલ ઠંડી પણ નલિયાના નામે જ નોંધાયેલી છે. આજથી ઠીક 8 વર્ષ પહેલા વર્ષ પહેલા એટલે કે,-2012ની 1 જાન્યુઆરીએ નલિયામાં સૌથી ઓછું તાપમાન નોંધાયું હતું. 2012ની 1 જાન્યુઆરીએ 3.2 ડિગ્રી તાપમાન નોંધાયું હતું. ચોંકવાનારી વાત એ છે કે, એ તાપમાન મધરાતના બદલે સવારના આઠ વાગ્યા આસપાસનું હતું. એનાથી પણ થોડા દૂરના ભૂતકાળની વાત કરીએ તો વર્ષ 1964માં 11મી ડિસેમ્બરે નલિયામાં 0.6 ડિગ્રી તાપમાન નોંધાયું હતું. એ તાપમાન નલિયાના ઈતિહાસમાં સૌથી ઓછું તાપમાન તરીકે નોંધાયેલું છે.