ગુજરાતમાં ફુલ ગુલાબી ઠંડીની શરૂઆત થઇ ગઇ છે ત્યારે આગામી સમયમાં હજુ પણ ઠંડીનો પારો ગગડવાની આગાહી હવામાન વિભાગે કરી છે.
ગુજરાતભરમાં કાતિલ ઠંડી
હજુ બે દિવસ રાજ્યમા કોલ્ડવેવની આગાહી
ખેડૂતો માટે રાહત રહેશે
ગુજરાતભરમાં હજુ પણ ઠંડીનું જોર વધી શકે છે. આગામી 48 કલાક રાજ્યમાં કોલ્ડવેવની શક્યતા છે. અમદાવાદ, અમરેલી, કચ્છ અને બનાસકાઠામાં ઠંડી રહેશે. 16મી જાન્યુઆરી સુધી રાજ્યમાં ઠંડા પવનો ફુંકાશે. હવામાન વિભાગે બે દિવસ યલો એલર્ટ જાહેર કર્યું છે.
આવનાર દિવસોમાં ગુજરાતમાં 2થી 3 ડિગ્રી તાપમાનનો પારો ગગડશે. હવામાન વિભાગની આગાહી પ્રમાણે સૌરાષ્ટ્ર અને મધ્ય ગુજરાતમાં ઠંડીનો પારો ગગડશે. બીજી તરફ માવઠાના કારણે ખેડુતો ચિંતિત છે, રવી પાકને વરસાદને કારણે નુકસાનની પણ ભીતિ છે પરંતુ ખેડૂતો માટે રાહતના સમાચાર છે. કારણ કે આગામી 5 દિવસ ગુજરાતમાં વરસાદ નહીં પડે.
રાજ્યમાં આવતીકાલથી ગાત્રો થીજવતી ઠંડી પડશે: અંબાલાલ પટેલ
રાજ્યમાં હવામાનને લઈને હવામાન નિષ્ણાંત અંબાલાલ પટેલે આગાહી કરી છે. તેમણે જણાવ્યુ હતું કે રાજ્યમાં આવતીકાલથી ગાત્રો થીજવતી ઠંડી પડશે.ઉત્તર ગુજરાતના ભાગોમાં 8 ડિગ્રી જેટલુ લઘુતમ નોંધાશે. રાજ્યના અન્ય ભાગોમાં 12 ડિગ્રીથી નીચે તાપમાન જશે. જયારે 16 થી 19 જાન્યુઆરીમાં ફરી હવામાનમાં પલટો આવશે. અને 24 જાન્યુઆરીથી રાજ્યમાં ઠંડીમાં વધારો થશે. ત્યારબાદ ફરી 25 થી 29 જાન્યુઆરી દરમિયાન હવામાનમાં પલટો આવશે.
વડોદરા શહેરમાં હાડ થીજવતી ઠંડીનો અનુભવ
આજે વડોદરા શહેરમાં સિઝનનો સૌથી ઠંડો દિવસ રહ્યો છે. શહેરમાં તાપમાનનો પારો 9 ડિગ્રીએ પહોંચ્યો છે. ઉત્તરના પવનોના કારણે ઠંડીનું જોર વધ્યું છે. કાતીલ ઠંઠીનો લોકો સામનો કરી રહ્યાં છે.