હવામાન / તૈયાર રહેજો ગુજરાતમાં ઠંડી હજુ વધશે, નલિયા તાપમાન ગગડ્યુ, ફેબ્રુઆરીમાં ઠરી જતો શિયાળો માર્ચ સુધી લંબાશે

• ગુજરાતમાં કાતિલ ઠંડી પડવાની આગાહી
• ઉત્તર ભારતમાં હિમવર્ષાની અસર ગુજરાતમાં
• માર્ચ-એપ્રિલ સુધી શિયાળા લંબાવાની આગાહી 

ગુજરાતમાં હજુ વધશે ઠંડી વધશે. ઉત્તરભારતમાં હિમવર્ષાની અસર ગુજરાતમાં જોવા મળી રહે છે. શિયાળો માર્ચ-એપ્રિલ સુધી લંબાઈ શકે છે. હવામાન વિભાગ દ્વારા ગુજરાતમાં કાતિલ ઠંડી પડવાની આગાહી કરી છે. 

નલિયા 6 ડિગ્રી

દેશભરમાં કડકડતી ઠંડીનો અહેસાસ થઇ રહ્યો છે. ત્યારે ગુજરાતમાં હાડ થીજવતી ઠંડી પડી રહી છે. નલિયામાં સૌથી ઓછું 6 ડિગ્રી તાપમાન છે. જ્યારે રાજકોટમાં 8, ભૂજમાં 9 ડિગ્રી તાપમાન થયું છે. તો અમરેલીમાં 9, ડિસામાં 9 ડિગ્રી, 

અમદાવાદ વડોદરા 10 ડિગ્રી

અમદાવાદમાં 10 અને કંડલામાં 10 ડિગ્રી તાપમાન થયું છે. તો ઈડરમાં 10 જ્યારે વડોદરા, પોરબંદર અને ભાવનગરમાં 12 ડિગ્રી તાપમાન નોંધાયું છે. અને સુરતમાં 14 ડિગ્રી તાપમાન છે. ઉત્તરભારતમાં હિમવર્ષાથી ઠંડી વધી રહી છે. શ્રીનગરમાં માઇનસ 2 ડિગ્રી સુધી તાપમાન ગગડ્યું છે. તો સિમલામાં 1 ડિગ્રી અને જમ્મૂમાં 7 ડિગ્રી તાપમાન છે.

ઉત્તર ભારતમાં શાળા કોલેજો બંધ

ઉત્તર ભારતમાં તો ઠંડીનું જોર એવું છે કે શાળા કોલેજો બંધ રાખવી પડી છે તો ઉત્તર ગુજરાતમાં પણ ઠંડી પોતાનો કહેર વરસાવી રહી છે.