હવામાન / ગુજરાતમાં હાડ થીજવતી ઠંડી, બનાસકાંઠામાં વહેલી સવારે બરફ પડ્યો, બે દિવસ રેકોર્ડબ્રેક ઠંડી પડવાની આગાહી

• હાડ થીજવતી ઠંડીનો 2 દિવસ સુધી કરવો પડશે સામનો
• રાજસ્થાનમાં સક્રિય સાઇક્લોનિક સરક્યુલેશનથી વધી ઠંડી
• એક જ દિવસમાં તાપમાન 5થી 9 ડિગ્રી ગગડ્યું

રાજ્યભરમાં પણ શીતલહેર યથાવત છે. આજથી ગુજરાતમાં ઠંડીનો બીજો રાઉન્ડ શરૂ થયો છે. રાજ્યભરમાં હાડ થીજવતી ઠંડી શરૂ થઈ ગઈ છે. રાજસ્થાનમાં સક્રીય સાઈક્લોનિક સર્ક્યુલેશનના કારણે ઠંડીનું પ્રમાણ વધ્યું છે. જેના કારણે એક જ દિવસમાં તાપમાન 5થી 9 ડિગ્રી સુધી ગગડી ગયું છે. 

બનાસકાંઠામાં હિમવર્ષા

રાજયભરમાં ઠંડીની અસર યથાવત જોવા મળી રહી છે. ત્યારે બનાસકાંઠાના ડીસામાં વહેલી સવારે બરફ પડતા ઠંડીનો પ્રમાણ વધ્યો છે. ભાખર આસપાસના વિસ્તારોમાં ઠાર થિજેલો જોવા મળ્યો છે. ભારે ઠંડીના કારણે હિમવર્ષા જેવો માહોલ જોવા મળી રહ્યો છે. 

માઉન્ટ આબુમાં માઈનસ 2 ડિગ્રી

માઉન્ટ આબુમાં પારો માઈન્સ 2 ડિગ્રીએ પહોંચ્યો છે. ઉત્તરભારતમાં પડી રહેલી ઠંડીની માઉન્ટમાં અસર જોવા મળી છે. પારો માઈન્સમાં પહોંચતા પર્યટકો ઠુઠવાયા છે. માઉન્ટમાં ચારોકોર બરફની ચાદર છવાઈ ગઈ છે. 

ક્યાં કેટલી ઠંડી

રાજ્યમાં સૌથી નીચું તાપમાન નલિયામાં અને ડીસામાં નોંધાયું હતું. નલિયામાં 4.2 ડિગ્રી, ડીસામાં 6.1, અમદાવાદમાં 10.1, વડોદરામાં 10.2, રાજકોટમાં 9.9 ડિગ્રી, કેશોદ જૂનાગઢમાં 9.4 ડિગ્રી તાપમાન નોંધાયું હતું. કચ્છના ભૂજમાં 8.6 ડિગ્રી, કંડલા એરપોર્ટ પર 8.3 ડિગ્રી લઘુત્તમ તાપમાન નોંધાયું હું. જ્યારે દરિયાકાંઠાના શહેરોમાં પણ શીત લહેરની અસર જોવા મળી હતી. પોરબંદરનું લઘુત્તમ તાપમાન 12.6 ડિગ્રી, વેરાવળ 13.9 ડિગ્રી, દ્વારકા 14.00 ડિગ્રી, ઓખા 16.08 ડિગ્રી તાપમાન નોંધાયુ હતુ.