શીત લહેર / રાજ્યમાં ફરી ઠંડીનો ચમકારો, સૂસવાટા મારતા ઠંડા પવનથી લોકો ઠૂઠવાયાં

• રાજ્યમાં ફરી કડકડતી ઠંડીનો જોવા મળ્યો ચમકારો
• વહેલી સવારે સૂસવાટા મારતા ઠંડા પવનો
• નલિયામાં સૌથી ઓછું 10 ડિગ્રી તાપમાન

રાજ્યમાં ફરી કડકડતી ઠંડીનો ચમકારો જોવા મળ્યો છે. વહેલી સવારે સૂસવાટા મારતા ઠંડા પવનો સાથે ઠંડીનો ચમકારો જોવા મળ્યો છે. નલિયા ફરી સૌથી ઠંડુ શહેર રહ્યું છે. નલિયામાં સૌથી ઓછું 10 ડિગ્રી તાપમાન નોંધાયું છે.
 

જ્યારે ભૂજમાં 12 ડિગ્રી, ઈડરમાં 12 ડિગ્રી તાપમાન નોંધાયું છે. જ્યારે ડિસામાં 12 ડિગ્રી, અમરેલીમાં 13 ડિગ્રી, કંડલામાં 14 ડિગ્રી અને રાજકોટમાં 14 ડિગ્રી તાપમાન નોંધાયું છે. આ તરફ પોરબંદર, ભાવનગર, અમદાવાદ, સુરત અને વડોદરામાં 15 ડિગ્રી તાપમાન નોંધાયું છે.

 

ઉલ્લેખનીય છે કે હાલમાં ઉત્તર ભારતમાં ભારે હિમવર્ષા જોવા મળી છે. જેમાં જમ્મૂ-કાશ્મીર અને હિમાચલ પ્રદેશમાં ભારે હિમવર્ષાના કારણે લોકોની મુશ્કેલીમાં વધારો જોવા મળ્યો છે. ભારે હિમવર્ષાના પગલે વાતાવરણમાં ઠંડકતા પ્રસરતાં તાપમાનનો પારો ગગડતો જોવા મળ્યો છે. હિમવર્ષાના કારણે રાજૌરીમાં જનજીવન પ્રભાવિત જોવા મળ્યું છે.