ઉત્તર ભારતના મેદાની વિસ્તારોમાં તાપમાન વધુ ઘટી શકે છે
રાષ્ટ્રીય રાજધાની સહિત સમગ્ર ઉત્તર ભારતમાં તીવ્ર ઠંડી પડી રહી છે. હવામાન વિભાગના જણાવ્યા અનુસાર, 7 જાન્યુઆરીથી પર્વતીય વિસ્તારોમાં ફરી હિમવર્ષા શરૂ થશે. આ કારણે ઉત્તર ભારતના મેદાની વિસ્તારોમાં તાપમાન વધુ ઘટી શકે છે, જેના કારણે ઠંડી વધશે. દિલ્હી અને એનસીઆરમાં આગામી કેટલાક દિવસો સુધી ગાઢ ધુમ્મસની સંભાવના છે. હવામાન વિભાગે 7 જાન્યુઆરી સુધી ચાલુ રહેલી કોલ્ડવેવ માટે રેડ એલર્ટ જાહેર કર્યું છે. શનિવારે મહત્તમ અને લઘુત્તમ તાપમાન અનુક્રમે 18 અને પાંચ ડિગ્રી સેલ્સિયસ રહેવાની ધારણા છે.
આ સપ્તાહના અંતે દિલ્હીવાસીઓને ઠંડીથી રાહત નહીં મળે
હવામાન વિભાગના જણાવ્યા અનુસાર આ સપ્તાહના અંતમાં દિલ્હીવાસીઓને ઠંડીથી રાહત મળવાની નથી. જોકે, નવા વેસ્ટર્ન ડિસ્ટર્બન્સના કારણે 8મી જાન્યુઆરીથી ફરી એકવાર તાપમાનમાં વધારો જોવા મળી શકે છે, જેનાથી ઠંડીમાં થોડી રાહત મળશે. હવામાન વિભાગના જણાવ્યા અનુસાર, 7 જાન્યુઆરીએ લઘુત્તમ તાપમાન 5 ડિગ્રી સેલ્સિયસ અને 8 જાન્યુઆરી પછીના કેટલાક દિવસો માટે તાપમાન 7 થી 9 ડિગ્રી રહી શકે છે. તમને જણાવી દઈએ કે, ઠંડી અને કોલ્ડ વેવને જોતા પંજાબ સરકારે 14 જાન્યુઆરી સુધી પહેલી થી સાતમી સુધીના વર્ગો બંધ રાખવાનો નિર્ણય કર્યો છે.
Delhi | Severe cold wave and fog conditions continue to prevail in the national capital. Visuals from Akshardham pic.twitter.com/nxEqDnCmac