ઠંડીનો પ્રકોપ / ઉત્તર ભારતમાં હાડ થીજવતી ઠંડીથી હાહાકાર, પહાડો પર બરફની ચાદર છવાતાં પર્યટકોને મુશ્કેલી

• ઉત્તર ભારતમાં હાડ થીજવતી ઠંડીથી હાહાકાર
• હિમાચલમાં હિમ પ્રકોપ, સહેલાણીઓનો ધસારો
• પહાડો પર બરફની ચાદર, મેદાની પ્રદેશો ઠંડાગાર

જમ્મૂ-કશ્મીરના લેહમાં પારો માઈનસ 16.3 ડિગ્રી સુધી ગગડી ગયો છે. તો હિમાચલના પ્રવાસન સ્થળોમાં પણ પારો માઈનસમાં પહોંચી ગયો છે. શ્રીનગરમાં માઈનસ 3 ડિગ્રી તાપમાન નોંધાયું છે. આ તરફ હિમાચલના કેલોંગમાં માઈનસ 8, કલ્પામાં માઈનસ 5, મનાલીમાં માઈનસ 2 અને શિમલામાં માઈનસ 1 ડિગ્રી સુધી તાપમાન ગગડ્યું છે. 

#WATCH Himachal Pradesh: An avalanche hit Raldanga Nalla in Ribba village of Kinnaur district yesterday. No casualties were reported. (18.01.2020) pic.twitter.com/0aEdqe2dTO

— ANI (@ANI) January 19, 2020

તાપમાનમાં આવ્યો સતત ઘટાડો

જ્યારે અન્ય શહેરોમાં તાપમાનનો પારો 4થી 5 ડિગ્રીની આસપાસ નોંધાયો છે. જેના કારણે હિમાચલમાં સહેલાણીઓનો ભારે ધસારો જોવા મળી રહ્યો છે. બીજી તરફ દિલ્લી, હરિયાણા ઉત્તરપ્રદેશ, પંજાબ અને રાજસ્થાનના કેટલાક શહેરોમાં તાપમાનનો પારો 5થી 6 ડિગ્રીસુધી ગગડી ગયો છે.

ચમોલીમાં સડક પર બરફ

ચમોલી જિલ્લામાં હવામાન સામાન્ય થયા બાદ પણ સડક પર પચાસથી વધારે ગામ હજુ પણ બરફથી ઢંકાયેલા છે. અહીં પગપાળા જવાના રસ્તા પર પણ બરફ હોવાના કારણે ગ્રામીણોને મુશ્કેલીઓનો સામનો કરવો પડી રહ્યો છે. રવિવારે થોડો તડકો નીકળતાં સ્થાનિકોએ જાતે જ ઘરના આંગણા અને છત પરની બરફ હટાવી હચી. અનેક જગ્યાઓએ બાળકોએ બરફની મજા લીધી હતી.