ગુજરાતમાં 11મી ડિસેમ્બર સુધી કાતીલ ઠંડી અને કમોસમી વરસાદની હવામાન ખાતા દ્વારા આગાહી કરવામાં આવી છે. તેમાંય ખાસ કરીને 8 ડિસેમ્બર અને 9 ડિસેમ્બર સોબેડા ઠંડી પડવાની શક્યતા છે. તેમજ દરિયા કિનારે તોફાની મોજા ઉઠવાની પણ શક્યાતાઓ સેવાઈ રહી છે. માછીમારોને દરિયો ન ખેડવા સૂચના અપાઈ છે તો દરિયા કિનારે વસવાટ કરતા ગામોને પણ સાબદા રહેવાની સૂચના આપી દેવામાં આવી છે
આગામી બે દિવસ ગુજરાતમાં કોલ્ડ વેવ
કેટલાક જિલ્લામાં પડશે વરસાદ
11 તારીખ સુધી વાતાવરણમાં ભેજ રહેશે
આગામી 2 દિવસ રાજ્યમાં રહેશે વાદળછાયું વાતાવરણ રહેશે. આ વર્ષનું પાંચમુ વાવાઝોડુ અરબી સમુદ્રમાં સક્રિય થયુ છે. વાયુ, હિક્કા, કયાર, મહા અને હવે પવન ને પગલે ગુજરાતમાં આ વર્ષે કમોસમી વરસાદે તડી પાડી છે.
11 તારીખ સુધી વાતાવરણમાં ભેજ રહેશે
અરબી સમુદ્ર પર સિસ્ટમ સક્રિય થતા 11 તારીખ સુધી વાતાવરણમાં પલટો રહેશે. ઠંડો પવન ફૂંકાતા દિવસભર ઠંડી વર્તાશે. કોલ્ડ વેવને કારણે ભર શિયાળાની ઠંડીનો માહોલ જામશે.
માછીમારોને 11 તારીક સુધી દરિયો ન ખેડવા ચેતવણી
ગુજરાતના માછીમારોને 11 તારીખ સુધી દરિયો ન ખેડવાની ચેતવણી આપી દેવામાં આવી છે આ માટે બંદરો અને માછીમારો માટે 2 નંબરનું સિગ્નલ જાહેર કરવામાં આવ્યુ છે. વરસાદી માહોલ અને વાવા ઝોડાના પ્રેશરને કારણે દરિયામાં ઉંચા મોજા અને પવન સાથે વરસાદી ઝાપટા થવાની વકી છે.
કેમ શિયાળામાં જામ્યો છે વરસાદી માહૌલ
ઉત્તર ભારતમાં હિમવર્ષાને પગલે ત્યાંથી ઠંડા પવનો દરિયા તરફ આવી રહ્યા છે જેમાં ગુજરાતમાં કાતિલ ઠંડી પડવાના સંકેતો છે. વળી અરબી સમુદ્રમાં વાવાઝોડું પવન સક્રિય થવાને કારણે સૌરાષ્ટ્રના કેટલાક ભાગોમાં વરસાદની આગાહી યથાવત રાખવામાં આવી છે.