કાતિલ ઠંડી / ગુજરાતમાં ઠંડીએ તોડ્યો 5 વર્ષનો રેકોર્ડ, ભારતમાં 22 વર્ષમાં સૌથી વધુ સ્નોફોલ, જાણો હવામાન વિભાગે શું કહ્યું ?

• ગુજરાતમાં ઠંડીએ 5 વર્ષનો રેકોર્ડ તોડ્યો 
• જાન્યુઆરી 2018માં 15 ડિગ્રી સુધી યથાવત રહ્યું હતું 
• આ વર્ષે ગુજરાતમાં જાન્યુઆરીના અંત સુધીમાં 12 ડિગ્રી નોંધાયું 

5 વર્ષ બાદ ગુજરાતમાં સૌથી વધુ ઠંડી પડી 

ઉત્તર ભારતમાં થયેલી હિમવર્ષા અને ઉત્તરીય પવનોને લીધે આ વખતે અમદાવાદ સહિત સમગ્ર ગુજરાતમાં ઠંડીનું જોર વધી ગયું છે. ઉલ્લેખનીય છે કે, જાન્યુઆરીની શરૂઆતથી જ રાજ્યના મોટાભાગના શહેરનું તાપમાન 10 ડિગ્રીની આસ-પાસ પહોંચી ગયું છે. જેને લઈને ચાલુ વર્ષે ઠંડીએ ગુજરાતમાં છેલ્લા 5 વર્ષનો રેકોર્ડ તોડી નાંખ્યો છે. બીજી તરફ હવામાન વિભાગના જણાવ્યા અનુસાર આ વર્ષે ગુજરાતમાં શિયાળો લંબાઈ શકે તેવી શક્યતા છે. તેમજ હાલ ઉત્તરીય પવનો ફૂંકાતા ફેબ્રુઆરીના પ્રથમ સપ્તાહ સુધી ઠંડીનો ચમકારો રહી શકે છે. તેવો વર્તારો કરાવ્યા છે. 

ઉત્તર ભારતની હિમવર્ષાની સૌથી વધુ અસર ગુજરાત પર 

ઉલ્લેખનયી છે કે, ગુજરાતમાં સામાન્ય રીતે ઠંડીનું પ્રમાણ જાન્યુઆરી મહિના અંત સુધીમાં ઘટવા માંડે છે. પરંતુ આ વર્ષે ઉત્તર ભારતમાં  પડેલી હિમવર્ષાના કારણે ઉત્તર-પૂર્વીય  દિશામાંથી ફૂંકતા ઠંડા બર્ફીલા પવનનો કારણે રાજ્યમાં હજુ સુધી ઠંડીનો ચમકારો અહેસાસ વર્તાય રહ્યો છે. જેને લઈ ચાલુ વર્ષે શિયાળો થોડો લાંબો ચાલશે તેવું લાગી રહ્યું છે. મહત્વનું છે કે, ગત જાન્યુઆરી 2018માં સમગ્ર રાજ્યભરમાં ઠંડીનો પારો 15 ડિગ્રીની આસ-પાસ યથાવત રહ્યું હતું. જે આ વર્ષે ગુજરાતમાં જાન્યુના અંત સુધીમાં 12 ડિગ્રી નોંધાયું  છે. જ્યારે ભારતમાં હિમવર્ષાએ 22 વર્ષ પહેલાંનો તોડ્યો રેકોર્ડ તોડ્યો છે. જેની સૌથી વધુ અસર ગુજરાત પર વર્તાઈ છે. આમ ગુજરાતમાં 5 વર્ષ પહેલાં જાન્યુઆરીમાં સૌથી વઘુ કાતિલ ઠંડી પડી હતી