રાજયમાં કમોસમી વરસાદમાંથી મળેલી રાહત બાદ હવે ઠંડીનો ચમકારો જોવા મળી રહ્યો છે. ઉત્તર-પૂર્વના પવનો ફૂંકાવાના કારણે રાજ્યના તાપમાનમાં સતત ઘટાડો જોવા મળી રહ્યો છે. જેમાં રાજ્યનું સૌથી ઓછું તાપમાન ડિસા અને નલિયા ખાતે નોંધાયું છે. બનાસકાંઠાના ડિસા અને કચ્છના નલિયા ખાતે 9 ડિગ્રી તાપમાન નોંધાયું છે.
રાજ્યના તાપમાનમાં સતત જોવા મળ્યો ઘટાડો
ઉત્તર-પૂર્વના પવનોથી ઠંડીનું પ્રમાણ વધ્યું
ડિસા-નલિયામાં સૌથી ઓછું 9 ડિગ્રી તાપમાન
રાજ્યમાં ઉત્તર-પૂર્વના પવનો કારણે ઠંડીનો ચમકારો જોવા મળ્યો છે. જેમાં સૌથી ઓછુ તાપમાન બનાસકાંઠાના ડિસા અને કચ્છના નલિયા ખાતે 9 ડિગ્રી જોવા મળ્યું. જ્યારે સાબરકાંઠાના ઇડરમાં 11 ડિગ્રીએ પારો પહોંચ્યો.
જ્યારે અન્ય શહેરોની વાત કરીએ તો અમદાવાદમાં 12 ડિગ્રી, રાજકોટમાં 12 ડિગ્રી તાપમાન, ભૂજમાં 12 ડિગ્રી, અમરેલીમાં 13 ડિગ્રી તાપમાન નોંધાયું છે.