કચ્છના વાતાવરણમાં પલટો વાદળ છવાતા ઠંડીમાં થયો ઘટાડો

કચ્છ: રાજ્યભરમાં છેલ્લા કેટલાક દિવસથી ઠંડીનો ચમકારો જોવા મળી રહ્યો છે. અમદાવાદ સહિત દરેક શહેરોમાં વાતાવરણનો માહોલ યથાવત છે. મોડી રાતે અને વહેલી સવારે ઠંડીની અસર વર્તાય છે. 

જો કે રાજ્યના કચ્છ શહેરમાં ઠંડીનું પ્રમાણ ઘટ્યું છે. વઘુતમ તાપમાનનો પારો ઊંચે ચડી જતાં ઠંડીની અસરમાં ઘટાડો થઇ રહ્યો છે અને લઘુતમ તાપમાન પણ વધી રહ્યું છે જેના કારણે લોકોને મિશ્ર ઋતુનો અનુભવ થઇ રહ્યો છે. 

જો કે આજે વાદળ છવાતાં વાતાવરણમાં ઠંડીનો ઘટાડો નોંધાયો છે. આજે સૌથી નીચું તાપમાન નલીયા 13.2 ડીગ્રી નોંધાયું છે જ્યારે ભૂજમાં 13.4 ડીગ્રી નોંધાયું છે. 

નોંધનીય છે કે થોડા દિવસ અગાઉ કચ્છનું ભૂજ શિત લહેરમાં બીજા નંબરે હતું. નલિયાનું તાપમાન પણ 8.6 ડિગ્રી નોંધાયું હતું. નલિયામાં શિત લહેર હોવાને કારણે જનજીવન અસ્તવ્યસ્ત થઇ ગયું હતું અને લોકોએ મોટાભાગના કામ પડતાં મુકીને ઘરમાં જ રહેવાનું પસંદ કર્યું હતુ.