હવામાન વિભાગ દ્વારા આગાહી કરવામાં આવી છે કે આગામી બે દિવસમાં ગુજરાાતમાં ઠંડીનું પ્રમાણ વધશે. ઉત્તર ભારતના પહાડોમાં થેયલી હિમવર્ષાને કારણે ગુજરાતમાં આગામી બે દિવસમાં ઠંડીનુ પ્રમાણ વધવાનું છે.
આગામી બે દિવસમાં રાજ્યમાં ઠંડીનું પ્રમાણ વધશે
ઉત્તર ભારતમાં થયેલી હિમવર્ષાથી ગુજરાતમાં ઠંડી વધશે
અમદાવાદ અને ગાંધીનગરમાં યલો એલર્ટ જાહેર
રાજ્યમાં 2022ની શરૂઆત બાદ દિવસેને દિવસે ઠંડીનું પ્રમાણ વધી રહ્યું છે. ત્યારે હવામાન વિભાગ દ્વારા આગામી બે દિવસમાં ભારે ઠંડીની આગાહી કરવામાં આવી છે. ઉત્તર ભારતના પહાડોમાં જે હિમવર્ષા થઈ રહી છે. તેના કારણે બે દિવસમાં ગુજરાતમાં પણ ઠંડીનો ચમકારો જોવા મળશે.
બનાસકાંઠા અને પાટણમાં પડશે હાડ થીજવતી ઠંડી
અમદાવાદ તેમજ ગાંધીનગરમાં પણ ઠંડીનું પ્રમાણ વધવાનું સાથેજ બનાસકાંઠા તેમજ પાટણમાં તો હાડ થિજવતી ઠંડીનો સામનો કરવો પડશે. ગઈકાલે રાતે અમદાવાદ સહિતના રાજ્યોમાં ઠંડીનો પારો 10 ડિગ્રીથી નીચે જતો રહ્યો હતો. સૌથી વધુ ઠંડી નલિયામાં નોંધાઈ હતી જ્યા ઠંડીનો પારો 6.8 ડિગ્રી પહોચી ગયો હતો.
ઠંડા પવનો સાથે વધશે ઠંડીનું પ્રમાણ
ગાંધીનગરમાં ગઈકાલે રાતે 7 ડિગ્રી તાપમાન હતું જ્યારે અમદાવાદમાં 10 કરતા પણ ઓછું તાપમાન નોંધાયું છે. હવામાન વિભાગ દ્વારા હવે આવનારા બે દિવસ કચ્છ અને ઉત્તર ગુજરાતમાં યલો એલર્ટ જાહેર કરી દેવામાં આવ્યું છે. અમદાવાદ, ગાંધીનગર, કચ્છ તેમજ બનાસકાંઠામાં યલો એલર્ટ સાથે ઠંડા પવન ફૂકાશે તેવી હવામાન વિભાગ દ્વારા આગાહી કરવામાં આવી છે.
16 થી 18 જાન્યુઆરીમાં ફરી કમોસમી વરસાદની આગાહી
ઉત્તરાયણ નજીક આવી રહી છે ત્યારે આવા સમયે ઠંડી વધશે તો પતંગ રસિયાઓને ભારે તકલીફ પડી શકે છે. થોડાક દિવસ અગાઉ કમોસમી વરસાદ પડ્યો ત્યારે ફરી રાજ્યમાં 16 થી 18 જાન્યુઆરી સુધી માવઠાની આગાહી કરવામાં આવી છે. જેના કારણે અમદાવાદ સહિત ગાંધીનગર, બનાસકાંઠા અને પાટણમાં ઠંડી વધી શકે છે.
ઠંડીનો સામનો કરવા તૈયાર રહેવું પડશે
ઉલ્લેખનીય છે કે રાજ્યના મોટા ભાગના શહેરોમાં ઠંડીનું પ્રમાણ એકાએક વધી ગયું છે. ત્યારે વધુમાં હવામાન વિભાગ દ્વારા આગાહી કરવામાં આવી છે કે આગામી 2 દિવસોમાં ઠંડી વધી શકે છે. જેથી હવે ઠંડીનો સામનો કરવા માટે તૈયાર રહેવું પડશે.