આજના આધુનિક સમયમાં ઘણાં લોકો પોતાના ઘરમાં કોકો પાઉડર રાખતા જ હશે અને જો ઘરમાં નહીં હોય તો પણ અહીં જણાવેલા સ્કિન બેનિફિટ્સ જાણીને તમે કોકો પાઉડર અચૂક લઈ આવશો. કેક, મિલ્ક શેક, કોફી સિવાય સ્કિનમાં નિખાર લાવવા અને ગ્લો વધારવા માટે પણ તે બેસ્ટ છે. જો તમારી સ્કિનની ચમક વધારવા માગો છો તો જાણો આ ઉપાયો.
કોકો પાઉડરમાં રહેલાં છે મેજિકલ ગુણો
સ્કિન માટે ખૂબ જ ફાયદાકારક છે કોકો પાઉડર
સ્કિનમાં નિખાર લાવવા અને ગ્લો વધારવા ઉપયોગ છે
રંગ નિખારવા માટે
ડાઘ-ધબ્બા દૂર કરવા અને રંગ નિખારવા માટે કોકો પાઉડરમાં મધ અને ગુલાબજળ મિક્સ કરીને ફેસપેક તૈયાર કરો. તમે તેમાં ચપટી હળદર પણ નાખી શકો છો. સપ્તાહમાં બેવાર આ ઉપાય કરો. તેને ફેસ પર લગાવો અને 15 મિનિટ પછી ફેસવોશ કરી લો.
સ્કિન રિપેર માટે
કોકો પાઉડર ઠંડી, ધૂળ, પોલ્યૂશનને કારણે બેજાન થયેલી સ્કિનને રિપેર કરે છે. તેના માટે 1 ચમચી કોકો પાઉડરમાં મધ, ગુલાબજળ અને નારંગીના રસના થોડાં ડ્રોપ્સ નાખીને અને અડધાં કલાક માટે રહેવા દો. પછી તેને ફેસ પર લગાવો અને 15 મિનિટ પછી ફેસવોશ કરી લો.
ડેડ સેલ હટાવવા માટે
સ્કિન કેર માટે કોકો પાઉડરના બહુ બધાં ઉપયોગ છે. ડેડ સેલ્સ હટાવવા માટે પણ ઘરમાં રહેલાં કોકો પાઉડરનો ઉપયોગ કરી શકો છો. કોકો પાઉડરમાં થોડું દૂધ મિક્સ કરીને લેપ તૈયાર કરી લો. દૂધમાં લેક્ટિક એસિડ હોય છે. જેથી તે ડેડ સ્કિન સેલ્સ દૂર કરવામાં મદદ કરે છે. તેને ચહેરા પર લગાવો 15 મિનિટ પછી ફેસવોશ કરી લો.
સ્કિનને ટાઈટ રાખવા માટે
કોકો પાઉડરમાં કોકીન અને થિઅબ્રામીન હોય છે. જે સ્કિનને ટાઈટ રાખવામાં મદદ કરે છે. જો તમારી સ્કિન લૂઝ પડી ગઈ હોય તો તમે કોકો પાઉડરનો પ્રયોગ કરી શકો છો. તેના માટે કોકો પાઉડરમાં ગુલાબજળ મિક્સ કરીને ફેસ પર લગાવો. 15 મિનિટ પછી ફેસવોશ કરી લો.