બેદરકારી / અમદાવાદમાં યુવતીએ જન્મદિવસે ઓનલાઈન મગાવેલ ઓનેસ્ટની પાઉંભાજીમાં વંદો નીકળ્યો

• ઓનલાઈન ફૂડ પાર્સલ ફરી વિવાદમાં
• ફૂડ પાર્સલમાંથી નિકળ્યો વંદો
• અમદાવાદના CG રોડ સ્થિત ઓનેસ્ટ રેસ્ટોરન્ટનું હતું પાર્સલ

અમદાવાદ શહેરમાં દિવસને દિવસે પાર્સલમાંથી જિવાત નીકળવાની ઘટના અટકવાનું નામ જ નથી લેતું. ફરી એકવાર અમદાવાદ શહેરની ખ્યાતનામ રેસ્ટોરાંમાંથી ઓનલાઇન મંગાવેલા ફૂડ પાર્સલમાં જિવાત નીકળી હોવાની ઘટના પ્રકાશમાં આવી છે. 

મળતી માહિતી મુજબ સી.જી. રોડ પર આવેલી ઓનેસ્ટ રેસ્ટોરન્ટના ભાજી-પાવમાંથી એક યુવતીએ મિત્રના જન્મદિન નિમિતે ઝોમેટો ફૂડ ડિલિવરી એપના માધ્યમથી ઓનલાઇન પાર્સલ ઑર્ડર કર્યુ હતું. આ પાર્સલ બપોરે 2.00 વાગ્યાના સુમારે તેમના  મગાવેલ જગ્યા પર પહોંચી ગયું હતું.

જન્મદિનની ઉજવણી નિમીતે ભાજી-પાવનો ચટાકો માણવા માટે જ્યારે પાર્સલ ખોલ્યું તો તેમના હોશ ઉડી ગયા હતા! અને ઓનેસ્ટ રેસ્ટોરાંના ઓનલાઇન મંગાવેલા પાર્સલમાંથી જિવાત નીકળી હતી. યુવતીએ આ તસવીર પાડીને ખાણીપીણીના શોખીનો દ્વારા તૈયાર કરવામાં આવેલા 'ફૂડ હૉલિક ઇન અમદાવાદ' ફેસબુક પેજ પર આ તસવીરો પોસ્ટ કરી હતી.

જોકે આ ઘટના હજુ સુધી અમદાવાદ મ્યુનિસિપલ કૉર્પોરેશન સુધી પહોંચ્યો નથી. હાલમાં આ પ્રકાર ની ઘટનાઓ વારંવાર બને છે તમે છતાં પણ કડક કાર્યવાહી કરતું નથી.