દેશમાં કોલસાની અછતને લઈને ઉર્જા મંત્રાલય દ્વારા મોટા નિર્ણય લેવામાં આવ્યા છે.
દેશમાં કોલસાની ભારે અછત
ઉર્જા મંત્રાલય આવ્યું એક્શન મોડમાં
સ્પેશ્યલ ટીમની રચના તથા મેનેજમેન્ટના આદેશ
ઉર્જા મંત્રાલય એક્શન મોડમાં
દેશમાં કોલસાની અછતને જોતાં એક ખાસ CMT એટલે કે કોર મેનેજમેન્ટ ટીમની રચના કરવામાં આવી છે જે દરરોજ કોલસાનાં સ્ટૉક પર નજર રાખશે અને મેનેજમેન્ટ પણ કરશે. ઉર્જા મંત્રાલયે શનિવારે આ જાણકારી આપી કે પાવર પ્લાન્ટને કોલસો આપવા માટે કોલ ઈન્ડિયા લિમિટેડ તથા રેલવે સાથે તાલમેલ સાથે કામ કરવામાં આવી રહ્યું છે. ઉર્જા મંત્રાલયે કહ્યું કે કોલસા મંત્રાલય તથા કોલ ઈન્ડિયા લિમિટેડે આશ્વાસન આપ્યું છે જે આગામી ત્રણ દિવસમાં વીજળી માટે દરરોજ 1.6 મેટ્રિક ટન સુધી કોલસા મોકલવાની સીમાને વધારવામાં આવશે અને દરરોજ 1.7 મેટ્રિક ટન કોલસો મળશે જેથી પાવર પ્લાન્ટમાં કોલસાનાં ભંડાર ભરી શકાય.
કોલસાની અછતથી પરેશાન છે ઘણા રાજ્યો
નોંધનીય છે કે વિશ્વના બજારમાં કોલસાની કિંમત હદ વટાવ રહી છે અને તેના કારણે કોલસાની આયાત ઓછી કરવામાં આવી છે જેનાં કારણે દેશભરમાં કોલસાની અછત થઈ હોવાનું સામે આવી રહ્યું છે. કોલસાની અછટના કારણે દેશના કેટલાક રાજ્યોમાં બત્તી ગુલ થઈ જવાની સંભાવના છે.
વિશ્વમાં મોટું સંકટ: ઘણા દિવસ સુધી નહીં આવે વીજળી
અત્યારે આખી દુનિયામાં કોલસાનું મોટું સંકટ ઊભું થઈ ગયું છે, ચીનથી શરૂ થયેલ સંકટ જર્મની પહોંચ્યું તે બાદ લેબનોનમાં પણ ભયાનક અસર જોવા મળી રહી છે. એવામાં ભારતમા પણ ચિંતા વ્યાપી ગઈ છે કે ભારતમાં પણ કેટલાક વિસ્તારોમાં બત્તી ગુલ થઈ શકે છે અને એક મોટું વીજ સંકટ ઊભું થઈ શકે છે. અત્યારે લેબનોન નામક દેશ આખો અંધારામાં ડૂબી ગયો છે, દેશમાં વીજકાપની જાહેરાત કરી દેવામાં આવી છે અને વીજળીનાં બે મોટા પ્લાન્ટ બંધ કરી દેવાની નોબત આવી છે. સરકારે જાહેરાત કરીને કહ્યું આજે બપોરે જ વીજ નેટવર્ક બંધ કરી દેવામાં આવ્યું છે અને હજુ આગામી સોમવાર અથવા આગામી ઘણા દિવસ બાદ જ વીજળી ફરીથી શરૂ થઈ શકશે. નોંધનીય છે કે લેબનોનમાં 60 લાખ લોકો વસવાટ કરે છે પરંતુ અત્યારે આ દેશ પાસે માત્ર પાંચ હજાર ઘરોને આપી શકાય તેટલી જ વીજળી છે.
લોકો કતારોમાં લાગ્યા, ઘણી જગ્યાએથી હિંસાની ઘટનાઓ
સરકાર હવે લેબનોન સેનાનાં તેલ ભંડારની મદદથી વીજળી પેદા કરવા માટે પ્રયાસો કરી રહી હોવાનું સામે આવી રહ્યું છે. આખો દેશ અત્યારે જનરેટરો પર આધારિત છે જે ડીઝલથી ચાલે છે. બીજી તરફ લેબનોનની આર્થિક પરિસ્થિતિ પણ ખૂબ જ ખરાબ છે એવામાં દેશમાં ઘણી જગ્યાએ હિંસા પણ જોવા મળી છે. લોકો પોતાના વાહનોમાં ઈંધણ ભરાવવા માટે લાઈનોમાં લાગી ગયા છે.