Coronavirus Vaccine / કોરોના વેક્સીન લગાવવા માટે આ ખાસ એપ પર કરવાનું રહેશે રજિસ્ટ્રેશન, જાણી લો સમગ્ર પ્રોસેસ

• સ્વાસ્થ્ય મંત્રાલયે કરી મોટી જાહેરાત
• વેક્સીન  માટે આ  એપ પર કરવાનું રહેશે રજિસ્ટ્રેશન
• Co-WIN એપ પર રજિસ્ટ્રેશન કરાવવું જરૂરી
• એપ ગૂગલ પ્લે સ્ટોર કે એપલ પ્લે સ્ટોરથી ડાઉનલોડ થઈ શકશે

 
ભારતના દરેક રાજ્યો અને કેન્દ્ર શાસિત પ્રદેશોમાં શનિવારે કોરોના વેક્સીનના ડ્રાય રનની શરૂઆત થઈ છે. આ સમયે કેન્દ્રીય સ્વાસ્થ્ય મંત્રાલયે કોરોના વેક્સીનની દેખરેખ, વહેંચણી અને ડેટા રાખવાની સાથે કોવિન નામની એપ બનાવી છે. દેશના નાગરિકો જે હેલ્થ વર્કર્સ નથી તેઓએ વેક્સીન માટે આ CoWIN એપ પર રજિસ્ટ્રેશન કરાવવાનું રહેશે. આ માટે તેઓ આ એપને ગૂગલ પ્લે સ્ટોર કે એપલ પ્લે સ્ટોરથી ડાઉનલોડ કરી શકે છે. વેક્સીનના ઉપયોગ માટે તેને લોન્ચ કરાયા બાદ જે લોકો એપ પર પહેલાથી હશે તેને જલ્દી વેક્સીન અપાશે. 

Co-WIN platform to facilitate:

🔹Registration & verification of beneficiaries
🔸Scheduling inoculation
🔹SMS reminders for schedule & follow on dosage
🔸Reporting Adverse Event Following Immunisation
🔹e-Certificate post-vaccination pic.twitter.com/TP4ZHi8KPD

— Dr Harsh Vardhan (@drharshvardhan) January 3, 2021

CoWIN એપ શું છે

Co-WIN (COVID-19 Vaccine Intelligence Network), eVIN (Electronic Vaccine Intelligence Network)નું અપગ્રેડેડ વર્ઝન છે અને તેને પ્લે સ્ટોર પર ફ્રીમાં આપવામાં આવ્યું છે. સ્વાસ્થ્ય મંત્રાલયે કહ્યું છે કે સરકાર 3 પ્રકારમાં વેક્સીન આપશે. પહેલાં ચરણમાં ફ્રન્ટ લાઈન હેલ્થ કેયર પ્રોફેશનલ્સ અને બીજા ચરણમાં ઈમરજન્સી સેવાઓ સાથે જોડાયેલા લોકોને વેક્સીન અપાશે. આ પછી ત્રીજા ચરણમાં એ લોકોને વેક્સીન અપાશે જેઓ ગંભીર બીમારીઓના શિકાર છે. તેને માટે CoWIN એપની મદદથી સેલ્ફ રજિસ્ટ્રેશનની જરૂર રહે છે. 
 

CoWIN એપને 5 મોડ્યુલમાં વહેંચવામાં આવ્યું છે

કોરોના વેક્સીનના આરામથી ટ્રેકિંગ અને રજિસ્ટ્રેશનને નક્કી કરવા માટે CoWIN એપને 5 મોડ્યુલમાં વહેચવામાં આવી છે. પહેલું પ્રશાસનિક મોડ્યુલ, બીજું રજિસ્ટ્રેશન મોડ્યુલ, ત્રીજું વેક્સીનેશન મોડ્યુલ, ચોથું લાભાન્વિત સ્વીકૃતિ મોડ્યુલ અને પાંચમું રિપોર્ટ મોડ્યુલ છે. જે લોકો વેકેસીન લગાવવા ઈચ્છે છે તેઓએ તેમાં મોડ્યુલના આધારે માહિતિ ભરવાની રહે છે. વેક્સીનેશન મોડ્યુલમાં તેના વિવરણને સત્યાપિત કરાશે અને લાભાન્વિત સ્વીકૃતિ મોડ્યુલ તેના વેક્સીનેશનને માટે સર્ટિફિકેટ પણ મોકલશે. 

CoWIN એપ : Vaccine માટે આ રીતે કરો રજિસ્ટ્રેશન

જો નાગરિક સ્વાસ્થ્ય વર્કર નથી તો તે CoWIN એપ પર રજિસ્ટ્રેશન મોડ્યુલની મદદથી વેક્સીનને માટે રજિસ્ટર કરી શકશે. CoWIN એપને ગૂગલ પ્લે સ્ટોરની મદદથી ફ્રીમાં ડાઉનલોડ કતરી શકાય છે. હાલમાં આ એપને લોન્ચ કરવામાં આવી નથી. 

Co-WIN વેબસાઈટ પર સેલ્ફ રજિસ્ટ્રેશન માટે 12 ફોટો આઇડી ડોક્યૂમેન્ટ્સ જેવા કે Voter ID, Aadhar card, driving license, passport અને  Pension document, માંથી કોઈ એકની જરૂર રહે છે. 
 
ઓનલાઈન રજિસ્ટ્રેશન પછી બેનિફિશિયરીને રજિસ્ટર્ડ મોબાઈલ નંબર પર એક એસએમએસ આવશે. જેમાં મળેલી તારીખ, વેક્સીનેશનનો સમય અને જગ્યા નક્કી કરીને અપાશે.