દેશમાં કોરોનાની બે વેક્સિનને ઇમરજન્સી ઉપયોગ માટે મંજૂરી આપી દેવાઇ છે. અને હવે થોડા દિવસોમાં જ ગુજરાતને વેક્સિન પણ મળી જશે. ત્યારે વેક્સિનેશન કાર્યક્રમમાં GTU પણ સરકારને સહકાર આપશે.
દેશમાં 2 કોરોના વેક્સિનને ઇમરજન્સી ઉપયોગ માટે મંજૂરી
થોડા દિવસમાં કોરોના વેક્સિન ગુજરાતને મળશે
વેક્સિનેશન કાર્યક્રમમાં GTU પણ આપશે સહકાર
GTUએ સરકાર સાથે જોડાવાની તૈયારી દર્શાવી છે. વેક્સિન સ્ટોરેજ માટે સરકારે GTUનો સંપર્ક કર્યો હતો. GTUએ કોરોના વેક્સિન રહે તેવું હાઇટેક ફ્રીઝ વસાવ્યું છે. જેમાં માઇનસ 80 ડિગ્રી તાપમાન જળવાશે. અને ફ્રીઝમાં 15 હજાર જેટલા વેક્સિન ડોઝનો સંગ્રહ થઇ શકશે.
મહામારીમાં વેકસીન મુદ્દે રાજકારણ ન કરેઃ CM રૂપાણી
2 કોરોના વેક્સિનને ભારત સરકારે મંજૂરી આપી છે. ત્યારે આ વેક્સિન પર રાજકારણ શરૂ થઇ ગયું છે. તેવામાં આ મામલે CM રૂપાણીએ કહ્યું કે, કોવેક્સિન મામલે વિરોધ પક્ષોએ વિરોધ પક્ષનું પણ સ્થાન ગુમાવ્યું છે. મહામારીમાં વેકસીન મુદ્દે રાજકારણ ન કરે.
કોરોના વેક્સિનની મંજૂરી પર CM રૂપાણીનું નિવેદન
આ અગાઉ CMએ કહ્યું હતું કે, DCGIએ 2 વેક્સિનને મંજૂરી આપી છે. કેન્દ્ર સરકારના માર્ગદર્શન મુજબ વેક્સિનેશન શરૂ કરીશું. 4 તબક્કા નક્કી કરવામાં આવ્યા છે. તમામ સર્વે પૂર્ણ, ચાર તબક્કાના લીસ્ટ પણ તૈયાર છે. વેક્સિન આવ્યા બાદ તાત્કાલિક વેક્સિનેશન શરૂ થશે. પ્રથમ તબક્કામાં હેલ્થ વર્કર, ડોક્ટર અને નર્સને વેક્સિન અપાશે. બીજા તબક્કામાં કોરોનાકાળમાં કામ કરનાર કર્મીઓને વેક્સિન અપાશે. ત્રીજા તબક્કામાં 50 વર્ષથી વધુ ઉંમરના વ્યક્તિને વેક્સિન અપાશે. ચોથા તબક્કામાં ગંભીર બિમારીવાળા 50 વર્ષથી ઓછી ઉમરવાળા વેક્સિન અપાશે.
પહેલી જાન્યુઆરીએ કોવિશિલ્ડ અને બીજી તારીખે બાયોટેકની વેક્સિનને સ્વાસ્થ્ય મંત્રાલયની સંસ્થા દ્વારા મંજૂરી આપવામાં આવી હતી જેને હવે સર્વોચ્ચ સંસ્થાએ પણ કોરોના વેક્સિનને મંજૂરી આપી દીધી છે ત્યારે આ સમયે ગુજરાતના નાયબ મુખ્યમંત્રી અને આરોગ્ય મંત્રી નીતિન પટેનું નિવેદન સામે આવ્યું હતુ.
શું કહ્યું નીતિન પટેલે?
કોરોના વોરિયર્સ અને સિનિયર સિટીઝનને સૌ પ્રથમ વેક્સિન આપવામાં આવશે. ત્રણ તબક્કામાં વેક્સિનેશનની કામગીરી કરાશે. સૌ પ્રથમ આરોગ્યકર્મીઓને વેક્સિન મળશે. બીજા તબક્કામાં સફાઈકર્મીઓ અને પોલીસકર્મીઓને વેક્સિન અપાશે ત્રીજા તબક્કામાં સિનિયર સિટીઝનને વેક્સિન અપાશે. ભારત સરકાર વેક્સિનના ડોઝ ફાળવશે રાજ્ય સરકાર પાસે તમામ પ્રકારના ડેટા તૈયાર છે કોને કયા સ્થળે વેક્સિન આપવી તે પણ નક્કી થઈ ચૂક્યુ છે, વેક્સિનની કિંમત અંગે હજુ કોઈ નિર્ણય લેવાયો નથી.