પેટ્રોલ ડીઝલના સતત વધી રહેલા ભાવ જોતાં લોકો ગેસ તરફ વળ્યા છે. તો હવે ગેસના ભાવમાં પણ કમરતોડ વધારો થઈ રહ્યો છે. જે લોકો માટે મુશ્કેલીનો પ્રશ્ન બન્યો છે.
CNG નાં ભાવમાં ફેરફાર
4 થી ડિસેમ્બરથી દેશના અમુક વિસ્તારોમાં વધ્યો ભાવ
મધ્યમવર્ગ અને ટેક્સી ચાલકો પરેશાન
પેટ્રોલ-ડીઝલના વધતાં ભાવ સામે બચવાં માટે લોકો હવે બીજા માધ્યમો તરફ વળ્યા છે. લોકો હવે ઇલેક્ટ્રિક વ્હીકલ્સ અને સીએનજી જેવા ઇંધણથી વાહન ચલાવી રહ્યા છે. ત્યારે હવે વૈકલ્પિક સ્ત્રોતોનો પણ ભાવ વધી રહ્યો છે.
નવી દિલ્હી, હરિયાણા અને રાજસ્થાનમાં CNG નો ઉપયોગ આજથી મોંઘો થઈ રહ્યો છે. CNG નાં ભાવમાં ફેરફાર ચાલુ છે અને 4 થી ડિસેમ્બરની સવારે છ વાગ્યાથી દેશના આ રાજ્યોમાં CNG નો ઉપયોગ પણ હવે મોંઘો થઈ ગયો છે.
ઇન્દ્રપ્રસ્થ ગેસ લિમિટેડ દ્વારા પોતાના ટ્વિટર પર કહેવામાં આવ્યું હતું કે 4 ડિસેમ્બરે 2021 ના દિવેસ સવાર છ વાગ્યાથી આઈજીએલ દિલ્હી, હરિયાણા અને રાજસ્થાન એનટીસીમાં સીએનજીનું રિટેલ મૂલ્ય વધશે.
With effect from 6 am on 4th December 2021, @IGLSocial revises its CNG retail price in NCT of Delhi, Haryana & Rajasthan.
4 ડિસેમ્બર 2021 ના રોજ સવારે છ વાગ્યે રાષ્ટ્રીય રાજધાની ક્ષેત્ર દિલ્હીમાં CNG નું મૂલ્ય 53.04 રૂપિયા પ્રતિ કિલોગ્રામ હશે. દેશના આ વિસ્તારોમાં સીએનજી મોંઘો થશે. જેની સીધી અસર વાહન ચાલકો પર પડશે. જો કે સીએનજીથી ચાલનારી ગાડી મોટે ભાગે ટેક્સી ડ્રાઇવર્સ અને મધ્યમ વર્ગીય લોકો ચલાવતા હોય છે માટે તેઓને સીધી અસર થશે એ સ્વાભાવિક છે.
વિવિધ શહેરોમાં સીએનજીના ભાવ
ઈન્દ્રપ્રસ્થ ગેસ લિમિટેડના સત્તાવાર ટ્વિટર હેન્ડલ પરથી મળેલી માહિતી અનુસાર, "રાજધાની દિલ્હીને અડીને આવેલા હરિયાણાના ગુરુગ્રામમાં CNGના નવા ભાવ 4 ડિસેમ્બરથી 60.40 રૂપિયા પ્રતિ લિટર થઈ ગયા છે.
જ્યારે હરિયાણાના રેવાડી શહેરમાં, એક કિલો સીએનજી માટે ગ્રાહકોએ આજથી એટલે કે 4 ડિસેમ્બરથી સીએનજીની કિંમત 61.10 રૂપિયા ચૂકવવી પડશે. કરનાલ અને કૈથલમાં સુધારા બાદ સીએનજીની કિંમત પ્રતિ કિલો 59.30 રૂપિયા થઈ ગઈ છે.જ્યારે અજમેર અને પાલી રાજસ્થાનમાં પણ સીએનજીના ભાવમાં વધારો જોવા મળશે રાજસ્થાનના અજમેર અને પાલીમાં 4 ડિસેમ્બરથી એક કિલો સીએનજી માટે 67.31 રૂપિયા ખર્ચવા પડશે.