જો તમે સીએનજી કાર ધરાવતા હો અને સીએનજી સ્ટેશન પર લાગતી લાંબી કતારથી પરેશાન હો તો તમારા માટે સારા સમાચાર છે. વાસ્તવમાં સરકાર હવે પેટ્રોલ અને ડીઝલની પેટર્ન પર સીએનજીની પણ હોમ ડિિલવરી શરૂ કરવાની મંજૂરી આપનાર છે.
પેટ્રોલ-ડીઝલની જેમ હવે સરકારી કંપની ઈન્દ્રપ્રસ્થ ગેસ ગ્રાહકોને ઘેરબેઠાં સીએનજી પહોંચાડશે
ઓઇલ કંપની આઇઓસીએ મોટાં શહેરોમાં પેટ્રોલ-ડીઝલની હોમ ડિલિવરી શરૂ કરી દીધી છે
પેટ્રોલિયમ પ્રધાન ધર્મેન્દ્ર પ્રધાનના જણાવ્યા અનુસાર કંપનીઓને ટૂંક સમયમાં સીએનજીની હોમ ડિલિવરી કરવા માટે મંજૂરી આપશે. આ માટે આ અગાઉ સરકારે પેટ્રોલ-ડીઝલની હોમ ડિલિવરીની સુવિધા શરૂ કરી હતી. હવે સરકારે સીએનજીની હોમ ડિલિવરી માટે કામ શરૂ કરી દીધું છે અને સરકારી કંપની ઇન્દ્રપ્રસ્થ ગેસ સીએનજીની હોમ ડિલિવરી શરૂ કરશે.
પેટ્રોલિયમ પ્રધાન ધર્મેન્દ્ર પ્રધાનના જણાવ્યા અનુસાર માત્ર એક કોલ પર ઘેરબેઠાં સીએનજી મંગાવી શકાશે. મોબાઇલ ડિસ્પેન્સર દ્વારા લોકોને ઘર આંગણે સીએનજી ઉપલબ્ધ કરાવવામાં આવશે.
નોંધનીય છે કેઓઇલ કંપની આઇઓસીએ પણ દેશનાં કેટલાંક મોટાં શહેરોમાં પેટ્રોલ-ડીઝલની હોમ ડિલિવરી શરૂ કરી દીધી છે. રિપોઝ એપ પર ઓર્ડર કરીને પેટ્રોલ-ડીઝલ ઘેરબેઠાં મેળવી શકાય છે.